Kúndizgi oqytý fakýlteti kýrsanttarynyń shyǵarylymyna arnalǵan saltanatty rásimge Qazaqstan Respýblıkasy Ishki ister mınıstriniń orynbasary Iý.Ilın, IIM Tótenshe jaǵdaılar komıtetiniń tóraǵasy V.Bekker, Aqmola oblysynyń ákimi E.Marjyqpaev, azamattyq qorǵaý organdarynyń ardagerleri, quqyq qorǵaý jáne memlekettik organdardyń ókilderi jáne basqa qurmetti qonaqtar qatysty.
Kókshetaý tehnıkalyq ınstıtýty (KTI) kúndizgi oqý fakýltetiniń kýrsanttarynan basqa birneshe jyl buryn osy ınstıtýttan baryp Reseı jáne Belarýs TJM joǵary oqý oryndarynda bilim alǵan 34 jas maman da ómirge joldama aldy. Sonymen qatar Kókshetaý tehnıkalyq ınstıtýty halyqaralyq kelisimge sáıkes tórtinshi jyl qatarynan Qyrǵyzstan TJM úshin mamandarynyń shyǵarylymyn ótkizýde.
20 jyldan astam ýaqyt ishinde Kókshetaý tehnıkalyq ınstıtýty 4890 maman daıyndady, sondaı-aq sheteldik oqý ornynyń túlekteri, Tótenshe jaǵdaılar komıtetiniń 3661 qyzmetkeri ınstıtýt qabyrǵasynda qaıta daıyndaý jáne biliktilikti arttyrý kýrstarynan ótti.
Azamattyq qorǵaý salasynda joǵary bilikti mamandardy daıarlaýmen qatar Kókshetaý tehnıkalyq ınstıtýty órt qaýipsizdigi, tótenshe jaǵdaılarda qorǵaý jáne azamattyq qorǵanys salalaryndaǵy ǵylymı-zertteý jumystarymen aınalysatyn bolashaq ǵalymdardy, sondaı-aq sportshylardy daıyndaıdy.
Barlyq túlekter Qazaqstan Respýblıkasy IIM Tótenshe jaǵdaılar komıtetiniń aýmaqtyq bólimshelerindegi laýazymdarǵa taǵaıyndalǵan.
Is-shara dástúr boıynsha Aqmola oblysy garnızonynyń órt sóndirý-qutqarý tehnıkasynyń kórmesimen, túlekterdiń ata-analaryn, olardyń jaqyndary men jalpy qonaqtardy joǵary oqý ornynyń tarıhymen tanystyrýdan bastaldy.
Shyǵarylymnyń saltanatty rásimin ashyq dep jarııalaǵan ınstıtýt bastyǵy, azamattyq qorǵaý polkovnıgi Syrym Sháriphanov óziniń sózinde ınstıtýt túlekteriniń basshylyq laýazymdardaǵy qyzmeti men basqa kúsh qurylymdarynda qajettiligi basym mamandardyń joǵary daıyndyǵyn kórsetetinine nazar aýdardy.
Qazaqstan Respýblıkasy Ishki ister mınıstriniń orynbasary Iýrıı Ilın óziniń quttyqtaý sózinde, jas leıtenanttardy ınstıtýtty tabysty bitirýlerimen, alǵashqy ofıserlik ataq alýlarymen quttyqtap, jańa kózqarastary men zamanaýı tásilderi bar jastardyń Qazaqstan Respýblıkasynyń turǵyndary men aýmaǵyn tabıǵı jáne tehnogendik sıpattaǵy tótenshe jaǵdaılardan qorǵaý máselelerin sheshýge yqpal etetinine senim bildirdi.