Burabike Fest 2019 VII qaıyrymdylyq sporttyq-mýzykalyq festıvali 2019 jyldyń 24-25 tamyzynda Shýchınsk-Býrabaı kýrorttyq aımaǵynda ótedi. Festıval uıymdastyrýshylary - Aqmola oblysy ákimdigi men Bolat О́temuratov qorymen birlesken Rixos Borovoe qonaq úıi.
Dástúrli túrde tólemnen, demeýshilik jarnalardan, sondaı-aq qaıyrymdylyq aýksıonynan túsken qarajat Qazaqstan aımaqtaryndaǵy aýrýhanalar men klınıkalarǵa medısınalyq jabdyqtardy satyp alý úshin jumsalatyn bolady.
Bolat О́temuratov Qorynyń qyzmetkerleri Qyzylorda qalasyndaǵy oblystyq perınataldyq ortalyqqa baryp, emdeý mekemesiniń basshylyǵymen kezdesti. Kezdesý barysynda ortalyqtyń qural-jabdyq qajettilikteri talqylandy.
"Bıyl qaıyrymdylyq festıvaliniń áleýetti benefısıarlarynyń biri bolyp Qyzylorda qalasyndaǵy "Oblystyq perınataldyq ortalyq" sharýashylyq júrgizý quqyǵyndaǵy kommýnaldyq memlekettik mekemesi tańdaldy. Olar gıpotermııany emdeýge arnalǵan quny 12 000 000 teńge bolatyn apparatty alyp berý jaıly ótinish bildirgen bolatyn. Buǵan deıin 2014 jyly perınataldyq ortalyqqa ókpege jasandy dem berýge arnalǵan 2 apparat berildi", - dep habarlady qordyń baspasóz qyzmeti.
Qyzylorda oblysy