Qazaqstan Respýblıkasynyń Premer-Mınıstriniń О́kimimen Ahmet Serik Ábjáliuly QR Premer-Mınıstri Keńsesi Basshysynyń orynbasary bolyp taǵaıyndaldy. Bul týraly QR Premer-Mınıstriniń baspasóz qyzmeti habarlaıdy.
Serik Ahmet 1961 jyly Qaraǵandy oblysynda týǵan. Qaraǵandy memlekettik ýnıversıtetin bitirgen.
Eńbek jolyn 1978 jyly bastaǵan. Túrli jyldary tarıh jáne qoǵamtaný pánderiniń oqytýshysy, Qazaqstan LKJO Qaraǵandy oblystyq komıtetiniń hatshysy boldy.
1995-1997 jyldary — Qaraǵandy q. Kırov aýdany ákiminiń orynbasary.
1997-1998 jyldary — Qaraǵandy oblysy ákimi apparatynyń Ishki saıasat bóliminiń meńgerýshisi.
1998-2004 jyldary kommersııalyq jumystarmen aınalysty.
2004-2006 jyldary QR Parlament Senaty Tóraǵasynyń kómekshisi boldy.
2006 jyly — QR Mádenıet jáne aqparat mınıstrligi apparatynyń basshysy.
2007-2008 jyldary «Nur Otan» HDP-ynda Saraptamalyq jáne jastar saıasaty departamentiniń dırektorynyń orynbasary, Ortalyq apparat hatshysy boldy.
2008-2011 jyldary — Ishki saıasat bóliminiń ınspektory; Áıelder isteri jáne otbasylyq-demografııalyq saıasat jónindegi Ulttyq komıssııa Hatshylyǵynyń meńgerýshisi – QR Prezıdent Ákimshiliginiń Ishki saıasat bólimi sektorynyń meńgerýshisi bolyp jumys istedi.
2011-2013 jyldary QR eńbek jáne halyqty áleýmettik qorǵaý vıse-mınıstri laýazymyn atqardy.
2014 jyldan 2019 jyl aralyǵynda QR Memlekettik hatshysynyń Hatshylyǵynyń meńgerýshisi boldy.