Qasym-Jomart Kemeluly ishki jáne syrtqy saıasatta óziniń joǵary biliktiligin, baı tájirıbesin kórsetip kele jatqan azamat. Men ol kisiniń qaıratker retinde elimizdiń damýyna odan ári úles qosatynyna, halyqtyń áleýmettik jaǵdaıynyń jaqsarýyna kúsh salatynyna senemin. Saıasatker retinde halyqaralyq deńgeıde bedeli joǵary. Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń sara jolyn ári qaraı jalǵastyrýda ol kisige men tek sáttilik tileımin.
Nur-Sultan qalasynda ótken Qasym-Jomart Toqaevty ulyqtaý rásimine qatystyq. Prezıdent dúıim halyqtyń kózinshe óziniń on baǵyttan turatyn baıandamasyn jarııalady. Qasym-Jomart Kemelulynyń bul baıandamasy elimizdiń damýyna, áleýmettik jaǵdaıymyzdyń budan da ári jaqsara túsýine arnalypty. Odan keıin halyqtyń adal perzenti retinde ant berdi. Jambyl oblysynan Nur-Sultan qalasyna arnaıy barǵan delegattar da Prezıdenttiń batyl da baıypty bastamalaryn qoldady. Qasym-Jomart Toqaevtyń jumysyna sáttilik tileımin. Bastamalarynyń bárin de qoldaımyz. El úshin eńbek etetin erdiń eńsesi árqashan bıik bolsyn!
Erkinbek SOLTYBAEV,
Jambyl oblystyq ardagerler keńesiniń tóraǵasy
Jambyl oblysy