Juma, 5 sáýir 2013 2:37
Qazir jurt: «Sot – ádildik arqaýy», dep jıi aıtatyn boldy. Árıne, onyń ózindik sebebi de bar ekeni ras. О́ıtkeni, ózgeden zábir kórgen, sheneýnikterdiń ozbyrlyǵyna ushyraǵan, naqaqtan jala jabylǵan jandar ádildik izdep eń sońǵy arqaýy – Joǵarǵy Sotqa júginedi. Sol jerde olardyń úkili úmitteri aqtalyp, quqyqtary qorǵalady. Eń bastysy, shyrmalǵan shyndyq osy jerde shyńyraýdan shyǵarylyp, jarııa etiledi. Mine, sonyń bir aıǵaǵyndaı, Joǵarǵy Sot Tóraǵasy Bektas Beknazarovtyń kezekti qabyldaýyna kelgen on adamnyń shaǵymy, negizinen, sot aktilerine qatysty boldy.
Juma, 5 sáýir 2013 2:37
Qazir jurt: «Sot – ádildik arqaýy», dep jıi aıtatyn boldy. Árıne, onyń ózindik sebebi de bar ekeni ras. О́ıtkeni, ózgeden zábir kórgen, sheneýnikterdiń ozbyrlyǵyna ushyraǵan, naqaqtan jala jabylǵan jandar ádildik izdep eń sońǵy arqaýy – Joǵarǵy Sotqa júginedi. Sol jerde olardyń úkili úmitteri aqtalyp, quqyqtary qorǵalady. Eń bastysy, shyrmalǵan shyndyq osy jerde shyńyraýdan shyǵarylyp, jarııa etiledi. Mine, sonyń bir aıǵaǵyndaı, Joǵarǵy Sot Tóraǵasy Bektas Beknazarovtyń kezekti qabyldaýyna kelgen on adamnyń shaǵymy, negizinen, sot aktilerine qatysty boldy.
Máselen, esirtki taratqany úshin jazasyn ótep jatqan azamattyń advokaty onyń zańsyz sottalǵany týraly pikirin bildirdi. Qorǵaýshynyń aıtýynsha, qylmys durys saralanbaǵan, sondaı-aq sottar keıbir kýálerdiń aıǵaqtaryn nazarǵa almaǵan. Al Almaty qalasy turǵynynyń múddesin bildirip kelgenderdiń biri talapkerlerdiń ata-anasy qaıtys bolǵannan keıin qalǵan muralyq múlikti ádil bólýge kómektesýdi ótindi. Onyń aıtýynsha, sottar osy azamattyq isti durys qaramaǵandyqtan esepteý kezinde qatelikterge jol berilgen.Qabyldaýǵa kelgenderdiń ishinde taǵy bir talapkerdiń ókili boldy. О́ńirlik áleýmettik qorǵaý departamentiniń osy talapkerdiń múgedektigine baılanysty zeınetaqy taǵaıyndaý jónindegi onyń ótinishinen bas tartýyn qaıta qaraý týraly jazǵan aryzy Qostanaı oblysynyń sottarynda qaralǵan eken. Aryz ıesiniń pikirinshe, sot talapkerdiń qazirgi jaǵdaıyna durys sıpattama bermegen. Turmystyq jaraqat alǵan osy talapkerdiń qarjylyq jáne densaýlyq jaǵdaıy búgingi tańda óte múshkil kórinedi. Sol sııaqty Qaraǵandy qalasynyń turǵyny qaıtys bolǵan kúıeýinen muraǵa qalǵan úıdiń ádil bólinýine kómektesýdi ótindi. Onyń aıtýynsha, sottar munyń azamattyq isin durys qaramaǵan. Ol úsh balasymen birge dalada qalýy múmkin eken. Al kúıeýiniń burynǵy zaıyby ózine tıesili úlesin alsa da úıdi ıelenip qalatyn túri bar, deıdi.Sonaý Almatydan kelgen zeınetker úsh balasymen birge turyp jatqan páterin alaıaq áıeldiń ıelenip alǵanyn aıta kelip, óziniń isi boıynsha shyǵarylǵan sot aktilerine shaǵym jasady. Buǵan qosa týǵan aǵalarynyń qaıyrymsyzdyǵyna renjigen Almaty qalasynyń taǵy bir turǵyny joǵary sot organy basshysyna shaǵym aıtty. Ákeleri qaıtys bolǵannan keıin, aǵalary anasyn baǵyp otyrǵan inilerimen sottasa bastaǵan. Daý olardyń ákesiniń úıine baılanysty týǵan. Kassasııalyq sot satysy úıdi aǵalaryna berýge sheshim qabyldaǵan. Olar endi inilerin anasymen birge úıden qýyp shyqpaq eken. Bul aıtylǵan ótinishterdiń bárin Joǵarǵy Sot basshysy muqııat tyńdap, jazyp aldy. Sodan keıin Bektas Beknazarov Joǵarǵy Sottyń qylmystyq, azamattyq jáne ákimshilik ister jónindegi qadaǵalaýshy sot alqalarynyń tóraǵalaryna árbir ótinish boıynsha azamattardyń dálelderin muqııat zertteýdi jáne zańnyń buzylǵany anyqtalǵan jaǵdaıda olardyń quqyqtaryn qalpyna keltirý jóninde qajetti sharalar qabyldaýdy tapsyrdy.Al Tóraǵanyń qabyldaýyna kelgen Oral qalasynyń turǵyny S.Harıtonova jáne onyń burynǵy qamqorshysy O. Dolgova azamattyq isti shynaıy jáne jan-jaqty qaraǵany úshin Oral qalalyq sotynyń sýdıalaryna alǵystaryn bildirdi. 2000 jyly Svetlana bir sátte ári úısiz, ári tul jetim bop shyǵa kelgen. Qamqorshysy bolǵan týǵan tátesi O. Dolgova talaı qıyndyqty jeńip júrip Svetlananyń páterdiń ¼ bóliginiń menshik ıesi bolýyna qol jetkizdi. Anasy men ájesi qaıtys bolǵannan keıin muradaǵy osy úles Svetlanaǵa tıesili edi. Alaıda, qalaı ekeni belgisiz, osy múlik Ádilet departamentinde Alla degen bireýdiń atyna tirkelgen bolyp shyqty. Kezinde Svetlananyń ákesin adastyryp, basqa úı beremiz dep, páterdi inisiniń atyna qaıta jazýǵa májbúr etken. Sodan mámile jasalǵannan keıin inisin páterden qýyp jibergen. Sol adam aqyry úısiz-kúısiz júrip qaıtys bolǵan. Oral qalasynyń №2 soty Svetlananyń otbasy naqty menshik ıesi bolǵandyqtan onyń osy páterge quqyǵyn qalpyna keltirip berdi. «Meniń isimdi sýdıa A.Erǵalıeva ádil qarady. Onyń osyndaı adamgershilik qasıetiniń arqasynda qarapaıym adamdardyń zańdy quqyqtary men múddeleri qorǵalady», dedi S. Harıtonova rızashylyǵyn jasyrmaı.
Aleksandr TASBOLATOV,«Egemen Qazaqstan».