Nemis jáne kúrd ǵalymdary Irak aýmaǵyndaǵy Tıgr ózeniniń shyǵys jaǵalaýynan osydan 3400 jyl buryn salynǵan Mıtannı ımperııasyna tıesili saraıdy tapty. Bul týraly RiaTaza.com jazdy.
Basylymnyń málimetine qaraǵanda, ǵalymdar bul aýmaqqa qurǵaqshylyq bolǵandyqtan ǵana kire alǵan. Mamandar qazba jumystary kezinde sylanǵan qabyrǵalardy, ashyq qyzyl jáne kók túspen boıalǵan qabyrǵalardy, sondaı-aq, túrli jazbalar qaldyrylǵan sazdan jasalǵan 10 taqtaısha tapqan. Arheolog Hasan Ahmed Kasımnyń aıtýynsha, bul saraı – osy aýmaqtaǵy sońǵy oń jyldaǵy mańyzdy ǵylymı jańalyqtardyń biri.
Qazirgi tańda ǵalymdar Mıtannı ımperııasynyń saıasatyna, ekonomıkasyna jáne tarıhyna qatysty tyń derekterdi izdestirip jatyr. Eske sala keteıik, Mıtannı ımperııasy Soltústik Mesopotamııa men Sırııanyń basym bóliginde ústemdik etken.