Toptyq oıyndarda ótken báseke óte tartysty boldy. «Júırikten júırik ozar jarysqanda» demekshi, óz tobynan shyqqan jeńimpazdar taǵy da ózara synǵa tústi. Úshinshi oryn úshin bolǵan básekede shıelilikter Qyzylorda komandasyn aıqyn basymdyqpen eńserip, júldeli orynǵa taban tirese, aqtyq synda baıyrǵy qarsylastar Baıqońyr komandasy men Jańaqorǵan aýdanynyń ardagerleri alańǵa shyqty. О́tken jylǵy týrnırde de osy eki komanda fınalda kezdesken edi, onda jańaqorǵandyqtarǵa sáttilik serik bolyp, bas júldeni ıemdengen bolatyn. Al bul joly kúsheıtilgen qurammen kelgen kosmodrom ofıserleri jeńiske jetip, byltyrǵy ketken esesin qaıtardy. Ásirese kezinde oblys quramasynyń sapynda bolǵan Qýanysh Raqatov syndy belgili sportshynyń oıynyna kórermender tánti boldy. Sondaı-aq qyzylordalyq ardager-voleıbolshy Sabyr Jańbyrovtyń qımyly kóz súısintti. Jańaqorǵandyq oıynshylar Ábdibek Ábilseıitov, Jumahan Nurtazaev, Samat Sopbekov, Shádibek Nakıpov, Shıeli aýdanynyń beldi oıynshylary О́tep Ábdiramanov, Eltaı Serikbaev, Batyr Pazylbekovtiń de sheberlikteri eshkimnen kem túsken joq.
Nurmahan ELTAI
Qyzylorda