«Kásiporyn basshysy Alekseı Efrımov «Nur Otan» partııasy atynan qalalyq máslıhattyń depýtaty. Árdaıym qoǵam ómirindegi mańyzdy bastamalarǵa atsalysyp turady. «Nur Otan» partııasy muryndyq bolǵan kómek aksııasyna ún qatqandardyń biri bizdiń kompanııa. Bul jarylystan zardap shekkenderge kórsetiletin kómektiń sońy emes. Álde de qoldaý kórsetýge ázirmiz» deıdi «Akva-Arasan» kásipornynyń zaýyt basqarýshysy Igor Gennı.
Gýmanıtarlyq kómekti qostanaıdaǵy kólik tasymaldaý kompanııalarynyń biri tegin jetkizip beredi. Olardyń aıtýynsha, júk kólikteri Arys qalasyna belgilengen ýaqytta jetedi.
« Arystyqtardyń basyna qıyn-qystaý sát týǵanda járdem berýden biz de qalys qalmaýdy jón sanadyq. Aldaǵy ýaqytta da óz tarapymyzdan Arys qalasynyń turǵyndaryna qoldan kelgen kómektiń bárin kórsetemiz» deıdi SV Trans Logistic basshysy, «Nur Otan» partııasynyń belsendi múshesi Valerıı Sýsarenko
Buǵan deıin 20 tonna un, 7 tonna makaron, 3 tonna kondıter ónimderi jóneltilgen bolatyn. Oblysta qabyldaý beketteri ashyldy. «Jas Otan» jastar qanatynyń «Arys. Biz birgemiz!» aksııasy aıasynda qala turǵyndary múmkindikterinshe kómek berýde. Kóptiń kúshimen jınalǵan balalar men eresekterge arnalǵan kıim- keshek, sondaı-aq, turmysqa qajetti zattar búgin ushaqpen Arystaǵy aǵaıyndarǵa jetkizildi. Baýyrmaldyq qasıet halqymyzǵa tán qasıet ekendigin Tobyl óńiriniń jurtshylyǵy is júzinde taǵy bir márte dáleldedi.
Qostanaı