Memleket basshysyna temir jol kóligi salasynyń qazirgi damý jaǵdaıy jáne keleshegi týraly aqparat berildi. Bul týraly Aqordanyń baspasóz qyzmeti habarlady.
Qasym-Jomart Toqaev elimizdiń kólik-logıstıkalyq áleýetin arttyrý, eksport jáne tranzıt tasymaldaryn ulǵaıtý, kólik qyzmetiniń sapasyn jaqsartý qajettigine nazar aýdardy.
Saýat Myńbaev Túrkistan oblysy Arys qalasyndaǵy tótenshe jaǵdaı kezinde jolaýshylar men júk tasymaldaryn uıymdastyrý jónindegi qabyldanǵan sharalar týraly baıandady. Sonymen qatar, «QTJ» UK» AQ basshysy konteınerlik tasymaldar salasyndaǵy jaǵdaı, jolaýshylarǵa qyzmet kórsetýdi jaqsartý úshin júrgizilip jatqan jumystar, operasııalyq irkilisterdi azaıtý týraly málimet berdi.
Kezdesý qorytyndysy boıynsha Qazaqstan Prezıdenti birqatar naqty tapsyrma berdi.