Senat depýtaty Olga Perepechına 1-3 shilde aralyǵynda Máskeýde ótip jatqan «Parlamentarızmdi damytý» II halyqaralyq forýmynyń jumysyna qatysty. Bul týraly Senattyń baspasóz qyzmeti habarlady.
Sharany ótkizý týraly Reseı Memlekettik Dýmasy bastama kótergen bolatyn. Qatysýshylar halyqaralyq qaýipsizdik pen turaqtylyqtyń, sandyq ekonomıkany damytýdyń, jastar men ekologııalyq saıasattyń ózekti máselelerin talqylady. Forým aıasynda «Reseı-Afrıka» parlamenttik konferensııasynyń sharalary ótti.
Sharaǵa 132 memleketten kelgen 800-ge jýyq parlamentshiler men sarapshylar, olardyń ishinde ulttyq parlamentterdiń 41 tóraǵasy, sondaı-aq forýmǵa 14 parlamentaralyq uıymnyń delegasııasy qatysty.