Beısenbi, 9 mamyr 2013 2:06
Eger qol astyndaǵy qyzmetkeri aıaq astynan jumystan ketý jóninde aryzyn jazyp alyp kelse, basshy adam ne isteýi kerek? Bálkim, «ne úshin, ne bolyp qaldy?» dep bir aýyz mán-jaıdy suraıtyn da shyǵar. Biraq, «jumystan bosaımyn» dep sheshim qabyldap, birjolata beldi bekem býǵan adam eshqandaı buıryqqa baǵynbaıtyny anyq. Baılap ustap tura almaısyz. О́tinishine qol qoıyp berip, bes kúnniń ishinde esep aıyrysasyz. Qaıbir kúni Ońtústik Qazaqstan oblystyq tártiptik keńesinde ótken májiliste osy tektes suraqqa birqatar aýdan ákimderi osylaı jaýap berdi.
Beısenbi, 9 mamyr 2013 2:06
Eger qol astyndaǵy qyzmetkeri aıaq astynan jumystan ketý jóninde aryzyn jazyp alyp kelse, basshy adam ne isteýi kerek? Bálkim, «ne úshin, ne bolyp qaldy?» dep bir aýyz mán-jaıdy suraıtyn da shyǵar. Biraq, «jumystan bosaımyn» dep sheshim qabyldap, birjolata beldi bekem býǵan adam eshqandaı buıryqqa baǵynbaıtyny anyq. Baılap ustap tura almaısyz. О́tinishine qol qoıyp berip, bes kúnniń ishinde esep aıyrysasyz. Qaıbir kúni Ońtústik Qazaqstan oblystyq tártiptik keńesinde ótken májiliste osy tektes suraqqa birqatar aýdan ákimderi osylaı jaýap berdi.
Biraq, qansha óz erkimen bas tartyp, jumystan ketýge ózderi ótinish berdi desek te, bulardy osylaı isteýge bir jaǵdaı májbúrlegen sekildi. Áıteýir, osynda bir gáp bar. Otyrar aýdany, Baltakól aýyl okrýginiń ákimi, Sozaq aýdany, Qarataý aýyl okrýginiń ákimi, Túrkistan qalasynyń sáýlet jáne qala qurylysy bóliminiń bastyǵy, Shymkent qalasy, ál-Farabı aýdany boıynsha memlekettik sanıtarlyq-epıdemıologııalyq qadaǵalaý basqarmasynyń jetekshi mamany… Barlyǵy da ústerinen qylmystyq is qozǵalyp jatqan kezde aryzdaryn jazyp, qyzmetterinen bosap ketken. Arada birneshe ýaqyt ótkennen keıin baryp, barlyǵy sotty bolyp, shartty jaza alǵan.
Bul qyzmetkerler jumystan bosaýǵa nege sonshalyqty asyqty? Álde aldyn-ala óz erkimen bosap ketse, jazasy jeńildeıdi me? Tipti, Májiliste «bular memlekettik qyzmetten kúni buryn ketip qalǵandyqtan sottalǵany týraly málimetter prokýratýranyń arnaıy esebine tirkelmeıdi, ýaqyt óte kele qaıtadan memlekettik qyzmetke oralýǵa bolady» degen de pikirler aıtyldy. Biraq, prokýratýra ókilderi «kez kelgen qylmystyq is esepke tirkeledi» dep, ol pikirdi joqqa shyǵardy. «Memlekettik qyzmet týraly» Zańynyń 28-babynyń 1-tarmaǵynda memlekettik qyzmetshiniń teris sebeptermen jumystan bosatýǵa ákep soǵatyn tártiptik teris qylyq jasaǵan adamdardy óz erkimen jumystan bosatqany úshin memlekettik qyzmetshilerge tártiptik jazalar qoldanylý múmkindigi berilgen.
Biraq tártiptik jaza teris qylyq anyqtalǵan kúnnen bastap bir aı ishinde qoldanylady, alty aıdan keıin qoldanyla almaıdy deıdi bul jóninde Memlekettik qyzmet isteri agenttiginiń Ońtústik Qazaqstan oblysy boıynsha basqarmasynyń bastyǵy Berik Bekjanov. Osy másele boıynsha eki aýdannyń ákimi tártiptik keńes músheleri aldynda esep berdi.
Al, kerisinshe Saryaǵash aýdandyq máslıhatynyń qyzmetkeri E.Mahmýdovtyń qyzmetke turýy bir qyzyq. QR Memlekettik qyzmet isteri agenttiginiń Ońtústik Qazaqstan oblysy boıynsha basqarmasy aýdandyq máslıhatqa hat jazyp, kadr rezervindegi eki adamdy usynǵan. Sol hat Saryaǵashqa jetkenshe jol-jónekeı tizimge úshinshi adam, ıaǵnı, Mahmýdov qosylyp ketedi. Kim qosty, qalaı qosyldy, eshkim bilmeıdi. Sonymen, ol máslıhatqa jumysqa qabyldanǵan. Al, Mahmýdov buǵan deıin kadr rezervinde turdy ma? «Otyrar aýdany apparatynan konkýrs arqyly turdym» deıdi ózi. Keıinirek túsinikteme alý barysynda ol aýdannan Mahmýdovtyń eshqandaı konkýrs arqyly rezervke qabyldanbaǵany málim bolǵan. Sonda aýdandyq máslıhat pen Memlekettik qyzmet isteri basqarmasynyń arasynda mysyq-tyshqan oınap otyrǵan kim?
Sonymen, Ońtústikte qyzmetten ketýdiń de, turýdyń da qupııasy kóp bolyp tur.
Oralhan DÁÝIT,
«Egemen Qazaqstan».
Ońtústik Qazaqstan oblysy.