Ákimshilik ortalyqta bolyp, aýdandy damytýdyń bolashaq josparymen jáne negizgi áleýmettik-ekonomıkalyq kórsetkishtermen tanysqan qala basshysy Halyqqa qyzmet ortalyǵyna kelgen jurtshylyqpen memlekettik qyzmet kórsetýdiń sapasyn arttyrý máselesin talqylady.
Osy sapary barysynda Almaty ákimi Shuǵyla móltek aýdanynda salynyp jatqan turǵyn úı keshenin aralap kórdi, dep habarlaıdy qalanyń Baspasóz qyzmetinen. Aýlalardy aralap, turǵyndarmen tildesken ákim aldaǵy bolatyn apparat otyrysynda móltek aýdandy abattandyrý máselesiniń qaralatynyn atap ótti.
Baqytjan Saǵyntaevtyń aıtýynsha, naqtyly jospar ázirlep, jaýaptylardy belgilenetin bolady. Olardyń telefondary men aty-jónderi jazylǵan taqtaıshalardy ilip, sol arqyly turǵyndar kimniń qaı ýchaskege tikeleı jaýapty ekenin biletin bolady. «Aqsaı» fıltr stansasynyń da jumysymen tanysqan qala basshysy munda ol sýmen qamtýdyń aǵymdaǵy jaǵdaıy men jospary týraly esepti tyńdady. Taýsamaly, Aqjar, Quramys móltek aýdandarynda sý tasymalyn ulǵaıtýdy tapsyrdy.
Jańa qurylǵan aýdandaǵy jumysty jaqsartý úshin qala standartynyń damýy baǵytyndaǵy jumystardyń kúsheıtiletindigin jetkizgen qala basshysy aýdan ákimi S.Toǵaıǵa búgin berilgen tapsyrmalardyń oryndaý barysyn kúndelikti tekserýdi jáne jumys júrip jatqan ýchaskelerde únemi bolýdy tapsyrdy. Qala ákimi sonymen qatar Abaı dańǵyly boıyn Iаssaýı kóshesinen qala shekarasyna deıin úńgileý jumysynyń jáne Áshimov kóshesiniń qıylysyna salynyp jatqan jolaıryǵy qurylysynyń barysymen de tanysty.
ALMATY