Keshendi jospardyń negizgi baǵyttary men is-sharalary týraly Shymkent qalasynyń ákimi Ǵ. Ábdirahymov baıandady. Ulttyq ekonomıka mınıstri R. Dálenov Keshendi jospardy iske asyrýdyń qala jáne jalpy el ekonomıkasy úshin kútiletin áleýmettik-ekonomıkalyq áseri týraly baıandady.
Keshendi josparda barlyq iske asyrý kezeńinde jalpy 1 trln teńgeden astam somaǵa 89 is-sharany júzege asyrý josparlanǵan, onyń ishinde 836 mlrd teńge (65%) – jeke ınvestısııalar esebinen, 68 mlrd teńge – MJÁ arqyly. Bul qujatty iske asyrý qala aýmaǵyn yqsham salýdy jáne ońtaılandyrýdy, ınfraqurylymdy tıimdi paıdalanýdy qamtamasyz etedi, sondaı-aq turǵyndar úshin qolaıly jáne yńǵaıly jaǵdaılar týdyrady.
«Shymkent - Qazaqstannyń ónerkásiptik, saýda-sattyq jáne mádenı ortalyqtarynyń biri», - dedi QR Úkimetiniń basshysy jáne qalany odan ári damytýdy qamtamasyz etý boıynsha birqatar naqty tapsyrmalar berdi.
Keshendi jospardy júzege asyrý ınvestısııalardyń kólemin bes jyldyń ishinde 1 trln teńgege deıin jetkizý úshin jaǵdaılar týdyrýǵa múmkindik beredi. Investısııalyq áleýetti damytý maqsatynda jańa «Juldyz» jáne «Shymkent agro» ındýstrııaldyq aımaqtarynyń qurylysyn qamtamasyz etý, «Ońtústik» AEA terrıtorııasyn ulǵaıtýdy qamtamasyz etý tapsyryldy.
Kólik jáne ınjenerlik ınfraqurylymdy damytý baǵyty boıynsha 2020 jyly áýejaıdyń jańa jolaýshylar termınalynyń qurylysyn jáne temirjol vokzalyn jańǵyrtý jumystaryn aıaqtaý josparlanǵan. Sonymen qatar, Tashkent dańǵylyn jalǵastyrý jáne A2 aınalma avtojolynyń qurylysy qamtamasyz etiledi. Bul qalanyń kólik áleýetin arttyrýǵa múmkindik beredi.
О́z kezeginde, qalany energııamen qamtý jáne gazben qamtamasyz etý úshin QR Premer-Mınıstri Asqar Mamın gaz taratý stansııasynyń (AGRS-3), sondaı-aq ERG kompanııasynyń jeke ınvestısııalary esebinen qýaty 450 megavatt bý-gaz qondyrǵysynyń qurylysyn aıaqtaýdy tapsyrdy.
«Keshendi jospar turǵyn úı qurylysynyń kólemi kezeń-kezeńmen bıyl 500 myń sharshy metrden jylyna 1 mln-ǵa deıin arttyryp, turǵyn úımen qamtamasyz etýdi 1 turǵynǵa shaqqanda 30 sharshy metr deńgeıine deıin jetkizýge múmkindik beredi», - dedi Asqar Mamın. Mysaly, «Shymkent Sıtı» jobasyn júzege asyrý áleýmettik ınfraqurylymy daıyn 1,5 mln sh.m. turǵyn úı salýǵa múmkindik beredi.
QR Mınıstrler kabınetiniń basshysynyń aıtýynsha, ol úshin turǵyn úı qurylysyn damytýdy jalǵastyrý qajet. Osy rette, qalanyń yqsham qurylysyna jáne turǵyn úı qurylysynyń halyqaralyq standarttary boıynsha jumys isteıtin ınvestorlardyń tájirıbesin paıdalaný basa nazar aýdarylady.
Damý perspektıvalary týrıstik salada keńeıýde. «Sıtadel» qalashyǵyn qaıta jóndeýdi jáne halyqaralyq deńgeıdegi oıyn-saýyq saıabaǵynyń qurylysyn aıaqtaý týrısterdiń qosymsha aǵynyn qamtamasyz etedi. Sonymen qatar, Shymkent qalasynyń Túrkistan men Tashkentke jaqyn ornalasýy týrıstik ınfraqurylymynyń damýyna jáne jańa jumys oryndarynyń ashylýyna naqty serpin men sınergetıkalyq áser beredi.
Shymkent qalasy 2020 jyly TMD mádenı astanasy bolyp jarııalandy. Osy rette memlekettik organdarǵa áleýmettik jáne ınfraqurylymdyq nysandardyń ázirligin ýaqytyly qamtamasyz etý tapsyryldy.
«Keshendi jospardy iske asyrýdyń arqasynda Shymkent qalasynyń jalpy óńirlik ónimi 2018 jylǵy 2 trln teńgeden, 2023 jylǵa qaraı 3,5 trln teńgege deıin jetkiziledi», - dedi Asqar Mamın.