Ulybrıtanııa astanasy – Londonda ótip jatqan Ýımbldon týrnıri qazaqstandyq tennısshiler úshin óz máresine jetti. Ýımbldonda synǵa túsip jatqan jalǵyz úmitimiz – Mıhaıl Kýkýshkın de jarystyń 1/8 fınalynda álemniń segizinshi raketkasyna ese jiberdi.
Kýkýshkın pleı-off kezeńinde Japonııanyń juldyzy – Keı Nısıkorımen kezdesip, tórt set oınady. Alǵashqy sette Nısıkorı 3:6 esebimen basym túskenimen, Mıhaıl ekinshi setti óz enshisine jazdy. Esep – 6:3. Biraq qalǵan eki sette de japonııalyq tennısshi óziniń myqty ekenin dáleldep, 3:6, 4:6 nátıjesimen jeńisti julyp aldy.
Osylaısha qazaqstandyq tennısshiler úshin «Úlken dýlyǵa» sanatyndaǵy Ýımbldon týrnıri erte aıaqtaldy. Qyzdar arasynda synǵa túsken Zarına Dıas týrnırdiń alǵashqy aınalymynda súrinse, Iýlııa Pýtınseva ekinshi kezeńde jeńildi.