Qaraǵandyda «SKA-Prıozersk» áýesqoı komandasynyń hokkeıshisi oıyn ústinde qaıtys boldy, dep habarlaıdy Egemen.kz.
Ekaraganda aqparattyq portalynyń málimetinshe, match ótken senbi kúnge belgilengen edi. Áýesqoı hokkeı lıgasynyń oıyny barysynda hokkeıshiniń jaǵdaıy kenetten nasharlaǵan.
«Ol 46 jasta edi, muz alańyna sálemdesý úshin shyqqan, biraq kenetten eki tizesine qulap, esinen tanyp qaldy. Jaǵdaıy nasharlady. Oqıǵa ornyna jedel-járdem kelip, oıynshyny aman alyp qalýǵa tyrysty. Alaıda, onyń qaıtys bolǵany anyqtaldy», delingen habarlmada.