Atyraýda áıel adamnan 160-qa jýyq psıhotroptyq dári tárkilendi, dep habarlaıdy Egemen.kz.
Atyraý oblysy polısııa departamenti esirtki qylmysyna qarsy is-qımyl basqarmasy №2 ýchaskelik polısııa pýnktiniń ýchaskelik polısııa ınspektorlarymen birge jedel-izdestirý is-sharasy aıasynda psıhotroptyq zattardy zańsyz saqtady degen kúdikpen 28 jastaǵy áıel adamdy ustady.
«Jasyryn oryndar» áshkerelendi: Aqtóbede psıhotroptyq zattardy satýshy sottaldy
Kópqabatty úıdiń aýlasynda odan tropıkamıd psıhotroptyq preparatynyń 159 qutysy tárkilendi. Atalǵan derek boıynsha Qazaqstan Respýblıkasy Qylmystyq kodeksiniń 301-baby 1-bóligimen sotqa deıingi tergep-tekserý amaldary júrgizilip jatyr.
Atyraý oblysy polısııa departamenti psıhotroptyq zattardyń zańsyz aınalymy qoǵamǵa eleýli qaýip tóndiretinin jáne ol úshin qylmystyq jaýapkershilik kózdelgenin eskertedi.
Qazaqstan Respýblıkasy Qylmystyq-prosestik kodeksiniń 201-babyna sáıkes ózge aqparat jarııa etýge jatpaıdy.
Páter emes, esirtki qoımasy: Jaldamaly páterde psıhotroptyq zattardy saqtaǵan turǵyn ustaldy
Eske sala keteıik, Shyǵys Qazaqstanda iri kólemde psıhotroptyq zat daıyndaǵandar ustaldy.