Sársenbi, 6 naýryz 2013 6:27
Kún sanap kórkeıip, ajarlana ózgergen, óziniń sulý tabıǵatymen eriksiz adamdy baýyryna baýrap alatyn Shymkent – Samara tasjolyndaǵy aınalasy terekke toly, tútini tike shyqqan Mahambet aýylyna syrtynan qyzyqtap kúnine myńdaǵan jolaýshy ótedi. 16 ult ókili men 2500 halqy, tórt eldi mekeni bar aýyldyń tynys-tirshiligi ózinshe qaınap jatyr. Mahambet atyndaǵy jalpy bilim beretin aralas orta mektepte 300 oqýshy bilim alsa, olarǵa 59 ustaz dáris beredi. Mektep ótken jyly respýblıka qarajaty esebinen 112 mln. teńgege kúrdeli jóndeýden ótti. Joǵary sanattaǵy qazaq tili men ádebıeti pániniń muǵalimi Matýza Abdýlova «Namys» úıirmesin júrgizedi.
Sársenbi, 6 naýryz 2013 6:27
Kún sanap kórkeıip, ajarlana ózgergen, óziniń sulý tabıǵatymen eriksiz adamdy baýyryna baýrap alatyn Shymkent – Samara tasjolyndaǵy aınalasy terekke toly, tútini tike shyqqan Mahambet aýylyna syrtynan qyzyqtap kúnine myńdaǵan jolaýshy ótedi. 16 ult ókili men 2500 halqy, tórt eldi mekeni bar aýyldyń tynys-tirshiligi ózinshe qaınap jatyr. Mahambet atyndaǵy jalpy bilim beretin aralas orta mektepte 300 oqýshy bilim alsa, olarǵa 59 ustaz dáris beredi. Mektep ótken jyly respýblıka qarajaty esebinen 112 mln. teńgege kúrdeli jóndeýden ótti. Joǵary sanattaǵy qazaq tili men ádebıeti pániniń muǵalimi Matýza Abdýlova «Namys» úıirmesin júrgizedi.
Mektep dırektory Tilegen Abdrahmanov mektep janynan oqýshylar kúshimen murajaı ashqandaryn, bul murajaı aýyl balalarynyń bos ýaqytyn qyzyqty ótkizip, aýyldyń ótkenin jınaqtap, rýhanı azyq alatyn orynǵa aınalǵanyn maqtanyshpen áńgimeleıdi. Mektep janyndaǵy 3 pen 5 jas aralyǵyndaǵy balalarǵa arnalǵan shaǵyn ortalyqta 42 búldirshin bar eken. Olarǵa 4 tárbıeshi án úıretip, jazý jazǵyzady.Aýylda ortalyq qoǵamdyq monsha, aýyl klýby, shashtaraz, nan pisiretin naýbaıhana, shujyq sehy, birneshe dúken turǵyndarǵa qyzmet kórsetedi. Aýyldaǵy aǵaıyndy Erkin men Tólep Nasyrovtar «Altyn-Bolashaq» atty sharýa qojalyǵyn quryp, 30 gektar jerge baý-baqsha salyp, 10 gektar jerge 2500 túp alma aǵashyn otyrǵyzdy. 2009 jyly oblys bıýdjeti qarajaty esebinen 2000 sharshy metrlik jerge jylyjaı saldy. Jylyjaıda kúzde qyzanaq, kóktemde qııar otyrǵyzady, árqaısysynan 20-30 tonna ónim alyp satýda. Qosymsha óz qarajattary esebinen taǵy da 1600 sharshy metrlik jylyjaı salýda. Ulystyń uly kúni áz Naýryzda aýyl turǵyndarynyń dastarqanynan Erkin men Tóleptiń jańa pisken qııarlary tabylady. Mahambet aýylynyń ákimi Sábıt Satqanov aýyl turǵyndaryna jeke kásipkerlikti damytýǵa «Sybaǵa» baǵdarlamasy boıynsha qojalyq ashýǵa kóptegen jeńildikter qaralǵanyn, aýyl kógildir otynmen tolyq qamtylǵanyn aıtady.Al «Shonaıbekov» sharýa qojalyǵy sybaǵa baǵdarlamasy boıynsha 47 mln. teńge nesıe alyp, 270 bas iri qara malyn satyp aldy. Qazirgi tańda bul sharýashylyqta 1600 iri qara, 800 bas qoı bar.Aýdan ákimi Marat Ońǵarbekov dala daýylpazy, batyr aqyn Mahambet atymen atalatyn aýyldyń aýdanymyzdyń barlyq eldi mekenderine úlgi ekendigin aıtty. Basqa eldi mekenderdi de osyndaı dárejege kótersek, nur ústine nur bolar edi. Laıym solaı bolsyn.
Rafhat HALELOV.
Batys Qazaqstan oblysy, Zelenov aýdany, Mahambet aýyly.