Forým jumysyna 250-den astam qonaq, sondaı-aq halyqaralyq avıakompanııalar men áýejaılardyń top menedjerleri, memlekettik organdardyń birinshi basshylary men sala uıymdarynyń ókilderi qatysýda.
«Jýyrda ǵana biz elordadan Ulan-Batyr, Tokıoǵa tikeleı áýe reısin ashtyq. Aldaǵy ýaqytta taǵy da Nıý-Iork, Sıngapýr, Beıjiń (Shanhaı) qalalaryna tikeleı áýe reısin ashý josparda bar. Biz osy sekildi 98 halyqaralyq áýe reısin ázirledik. Búgingi forýmǵa kóptegen halyqaralyq áýe kompanııalardyń basshylary qatysýda jáne olar Qazaqstanda jumys isteýge nıetti. Osy turǵyda biz ashyq dıalog quryp, seriktestikte qyzmet etýge daıynbyz », - dedi QR Indýstrııa jáne ınfraqurylymdyq damý vıse-mınıstri Berik Qamalıev.
Vıse-mınıstrdiń málimdeýinshe, 90 jyldary áýe qatynasyn qoldanýshylar sany 800 myń adam bolsa, búginde bul kórsetkish 8 mln-ǵa jetip 45 paıyzǵa artyp otyr.
Odan bólek, forýmǵa qatysýshylarǵa qala ákiminiń orynbasary Bahtııar Mákenov qatysyp, óz kezeginde atalǵan sharanyń otandyq áýe naryqtyń damýyna úles qosatynyn aıta kele uıymdastyrýshylarǵa alǵysyn bildirdi.
Routes Silk Road 2019 - bul TMD, Ortalyq jáne Shyǵys Eýropa, Taıaý Shyǵys jáne Ortalyq Azııa elderi úshin áýe baǵyttaryn damytý boıynsha biregeı forým. Onyń alańynda tikeleı áýe baǵyttaýlaryn qurý, avıaservıs deńgeıin arttyrý, sondaı-aq týrızm salasyndaǵy qyzmetti júzege asyratyn avıakompanııalar, áýejaılar men uıymdar ókilderiniń arasynda baılanystar ornatý jáne tájirıbe almasý sııaqty máseleler sheshiletin bolady dep kútilýde.
Sonymen qatar, 3 kúndik is-shara baǵdarlamasynda-forým, kórmeler jáne kásipkerlerdiń V2V formatyndaǵy jeke kezdesýleri josparlanǵan.