Qyzylorda oblysynda alapat ystyqtyń beti qaıtpaı tur. Aptap jan bitkendi bir tarynyń qaýyzyna sıǵyzyp jibergennen keıin jurt janǵa dertti sabat jerlerden, sýly óńirlerden taýyp jatyr. Alaıda, bul jasóspirimder úshin qaıǵyly oqıǵaǵa soqtyryp jatyr.
Bir aptada úsh jetkinshek tilsiz jaýdyń qurbany bolǵan soń osylaı deýge týra keledi.
«Turǵyndar balalardyń qaýipsizdigine salǵyrt qaraıdy. Olardyń qaıda júrgeninen habarsyz. Jyl basynan beri 21 adam sýǵa ketti. Onyń ishinde segiz bala osyndaı tótenshe jaǵdaıdan qaıtys boldy. Biz turǵyndar arasynda qaýipsizdik sharalary jóninde úgit-nasıhat sharalaryn júrgizemiz. Degenmen oǵan kóbisi qulaq asa bermeıdi. Saldarynan tosyn jaǵdaılar oryn alyp jatady», - dedi Qyzylorda oblysy tótenshe jaǵdaılar departamenti bastyǵynyń orynbasary Saıd Moldaqaraev.