Sońǵy 5 jylda balyq ónimderiniń eksportynyń kólemi 9 esege artty. 2018 jyly oblystan 3804 tonna balyq ónimderi eksporttalsa, osy jyldyń 6 aıynda eksport kólemi 2406,5 tonnany qurady. Balyq ónimderin Reseı, Polsha, Gollandııa, Ýkraına, Ázirbaıjan, Qytaı elderine eksporttaýda.
Qambashta ótken balyqshylar sletinde memleket jáne qoǵam qaıratkeri, Aral aýdanynyń Qurmetti azamaty Qudaıbergen Sarjanov:
«Memleket basshysy Qasym-Jomart Toqaev Syr eline saparynda Aral teńizine kóńil aýdaratynyn aıtty. Keleshek Araldyń jaǵdaıy jaqsy. Ol úshin biz qolymyzdan kelgen kómegimizdi kórsetýimiz kerek. Oblys basshylarynyń arqasynda atalmysh slet 5-ret ótkizilip otyr. Sondaı-aq oblys ákimdiginiń uıymdastyrýymen Aral teńiziniń kúni de 2 ret atalyp ótti. Munyń bári - Araldyń qasiretine álemniń nazaryn aýdartý degen sóz. Qazir jumys júrgizilip jatyr, mundaı slettiń analogy joq» dedi.