Osyǵan oraı, pikir bildirgen Moody's sarapshylary:
– Reıtıngtiń artýy – Banktiń kirisi men sońǵy eki jyldaǵy qarjylyq turaqtylyǵynyń jaqsarǵanyn kórsetedi. Bank tabysynyń artýynyń negizgi sebepterine toqtalsaq, ol onyń bıznesiniń ósýi, shyǵystardy ustap qalý, uzaq jyldyq problemalyq bereshekti qaıtarý jáne komıssııalyq alymdardy arttyrý jumystaryn tıimdi júrgizýdiń nátıjesi dep aıtar edim. Aǵymdaǵy jyldyń 1 maýsymyndaǵy málimetter boıynsha ForteBank aktıvteriniń kólemi jóninen naryqtyq úlesi 8% bolatyn Qazaqstandaǵy ekinshi iri bank bolyp tabylady, – dedi.
Al, ForteBank basqarma tóraǵasy Gýram Andronıkashvılı atalmysh jaǵymdy jańalyqqa baılanysty: "ForteBank oń qarjylyq jáne operasııalyq nátıjelerge qol jetkizýdi jalǵastyryp keledi. Sonymen birge bank eldegi joǵary kapıtaldandyrylǵan, eń ótimdi jáne ınnovasııalyq bankterdiń biri bolyp tabylady. 1 maýsymda bank aktıvteriniń kólemi 1 897 mıllıard teńgeni qurap, jyl basynan beri 120 mıllıard teńgege (+7%) ósti. Maýsym aıynda S&P Global Ratings ForteBank reıtıngterin "V" - ten "V+" - ke deıin kóterdi. Bul da biz úshin úlken jetistiktiń biri. Reıtıngterdiń kezekti jaqsarýy Qazaqstandaǵy ForteBank naryqtyq pozısııalarynyń kúsheıtilýiniń dáleli bolyp tabylady. Biz osy baǵyttan tanbaı, tutynýshylarymyzǵa sapaly qyzmet kórsetýdi jalǵastyra beremiz", – dep óz oıyn bildirdi.