Aksııa osy jyly tórtinshi ret ótkizilip otyr, halyqpen tyǵyz jumys isteý óz nátıjesin berýde. Turǵyndar tarapynan kelip túsken usynystardy qabyldaı otyryp, qaladaǵy tártip, atap aıtqanda jol qozǵalysy erejelerin saqtaý jaqsardy.
Mysaly, 2019 jyldyń 6 aıynda Qostanaı oblysynyń aýmaǵynda JKO 7,1% - ǵa, sondaı-aq qaza bolǵandardyń sany 5%-ǵa tómendegen. Jol qozǵalysy qaýipsizdiginiń aldyn alý maqsatynda 2019 jyly 7 jedel-profılaktıkalyq is-sharalar men aksııalar uıymdastyryldy. Atap ótsek, ol «Qaýipsiz jol», «Nazar aýdaryńyz, jaıaý júrginshi!», «Avtobýs» jáne «Joldaǵy qabyldaý» aksııasy.
Búgingi «Jolda qabyldaý» aksııasynda polısııa kómegine 100-den astam adam júgindi. Sondaı-aq, azamattardy qabyldaý polısııa departamentiniń «Instagram», «Feısbýk» áleýmettik jelilerinde tikeleı efırde kórsetilip jatyr. Áleýmettik jeli paıdalanýshylar tikeleı efırde óz suraqtaryn qoıyp, keńester men naqty jaýaptar aldy. Qazirgi ýaqytta tikeleı efırde 600-ge jýyq jeli paıdalanýshysy qosylyp, 30-dan astam suraq qoıyldy.
Esterińizge sala keteıik, «Joldaǵy qabyldaý» aksııasy 19-20 shilde kúnderi saǵat 09:00-den 19:00-ge deıin ótkiziledi.
Oblys ortalyǵynda 20 shildede aksııa Abaı dańǵyly boıyndaǵy «Astyqjan» saýda ortalyǵy mańynda jalǵasady.
Kenje Qonysbaı,
Qostanaı oblysy PD baspasóz qyzmetshisi