«Úkimet bastaǵan barsha qazaqstandyq tazalyq aksııasyna qosh keldińizder! Bul shara qazir respýblıkalyq dárejede ótip jatyr. Sol sııaqty bul aksııany prezıdent Qasym-Jomart Toqaev jeke ózi qoldap, bárimizdi Qazaqstandy taza ári jasyl el etýge shaqyrdy. О́tken apta Úkimet bastaǵan aksııany biz de qoldap, osy apta odan ári jalǵastyrýdamyz. Búgingi sharaǵa belsendi qatysyp jatyrǵan barsha astanalyqtarǵa alǵys bildiremiz» - dedi qala ákimi Altaı Kólginov.
Aıtýly tazalyq sharasyna bas qaladaǵy mınıstrlik, qalalyq ákimdik jáne basqarmalardyń 1 500-den astam ókili atsalysýda. Odan bólek, eriktiler de qatysýda. Sondaı-aq, ekologııalyq aksııany qoldap Úkimet basshysy Asqar Mamın, Premer-Mınıstrdiń orynbasary Gúlshara Ábdiqalyqova, QR Ekologııa, geologııa jáne tabıǵı resýrstar mınıstri Maǵzum Myrzaǵalıev, QR Eńbek jáne halyqty áleýmettik qorǵaý mınıstri Berdibek Saparbaev, QR Densaýlyq saqtaý mınıstri Eljan Birtanov, QR Bilim jáne ǵylym mınıstri Ashat Aıtmaǵambetov, QR Aqparat jáne qoǵamdyq damý mınıstri Dáýren Abaev qatysýda.
Eske sala ketsek, Memleket basshysy Ekologııa, geologııa jáne tabıǵı resýrstar mınıstri Maǵzum Myrzaǵalıevti qabyldap, halyqtyń ekologııalyq mádenıettiligin arttyrýǵa jáne qorshaǵan ortany qorǵaý jumystaryna eriktilerdi tartý jóninde tapsyrma bergen edi.
Artynsha mınıstrliktiń bastamasymen #Birge #TazaQazaqstan ekologııalyq aksııasy jarııalanyp, atalmysh aksııa aıasyndaǵy sharalarǵa Úkimet basshysy Asqar Mamın de qatysqan bolatyn.