Bul týraly óńir prokýrorlarynyń jarty jyldy qorytyndylaǵan jıynynda málim boldy.
Bıylǵy alty aıda kisi óltirý – 28,6, qaraqshylyq – 40, alaıaqtyq – 19,8 prosentke tómendegen. Mal urlyǵynyń azaıǵany baıqalady. Geroınd saýdalaýmen aınalysatyn qylmystyq top quryqtalyp, is sotqa joldanypty.
«Kámeletke tolmaǵandardyń quqyqtaryn qorǵaý salasynda zorlyq áreketterimen baılanysty quqyqbuzýshylyqtar 14,3 prosentke kemidi. Áleýmettik jelilerde 67 toptyń 58 rolıgii buǵattaldy», deıdi basqarma bastyǵynyń mindetin atqarýshy Erlan Nurushkın.
Jumys berýshiler tarapynan jiberilgen birqatar olqylyqtar túzetilipti. Solardyń biri jalaqyǵa qatysty. Mańdaı ter, taban aqysyn ala almaı júrgen 6 myńnan astam jumysshy-qyzmetkerdiń jarty mıllırd teńgege jýyq eńbekaqysy ótelgen.
Petropavl qalasynyń prokýrory Asqat Aýqatovtyń aıtýynsha, 45 kásiporyn jalaqy jóninen qaryzdar bolyp qalǵan. Mundaı keleńsiz oqıǵa «ZIKSTO» AQ-da oryn alyp, bastamashyl top zańdylyqty qadaǵalaý organyna júgingen. Prokýratýranyń aralasýy arqasynda basshylyq aýysyp,jaǵdaı qalpyna keltirilgen.
Soltústik Qazaqstan oblysy