Qalalyq bilim berý bóliminiń málimetinshe, qaıyrymdylyq sharasy jyldaǵydan bir aı erte bastalǵan.
Maqsat-kóp balaly otbasylarǵa kómek berý,olardyń balalaryn mektepke erte daıarlap, oqýǵa barýyna jaǵdaı jasaý.
Jalpy, qala boıynsha kómekke muqtaj 4 660 oqýshy bar.
- Shilde aıynyń basynda qaladaǵy iri saýda úıleriniń basshylaryna jáne kásipkerlerge kóp balaly jáne az qamtamasyz etilgen otbasylarynyń 1-qyrkúıek jańa oqy jylynda kómek berýlerin surap hat jazdyq,-deıdi bilim bóliminiń mamandary.
Aldymen oblys ortalyǵyndaǵy «Artýr» saýda úıiniń ákimshiligi «Mektepke jol» sharasy aıasynda qaladaǵy mektep oqýshylaryna 1 mıllıon teńgeniń taýarlaryn tartý etti.
Saýda úıiniń ókilderi balalarǵa qajetti kıim-keshekter, aıaq kıimder men sómkeler ákelip berdi. Bul taýarlardy qalaǵa qarasty aýyldardaǵy, Kenjekól men Jetekshi aýylyndaǵy mektep oqýshylaryna beriledi.
Al, qala irgesindegi kenttegi №32 mekteptiń tárbıe isi jónindegi orynbasary Raıgúl Jaıdabaevanyń aıtýynsha, turmysy tómen otbasylardyń 43 balasyna kıim-keshek, oqý qural-jabdyqtary, mekteptiń kıimi jáne sport formasyn aldyq. Ata-analar atynan qalalyq bilim bólimine jáne uıymdastyrýshylarǵa alǵys aıtady.
Sonymen qatar, shara barysynda qurylǵan shtab quramynda ata-analar birlestigi de bar.
Qala ákimdigi basqarma basshylary, oblystyq jáne qalalyq máslıhat depýtattary, kásipkerler qaýymy belsendilik tanytady dep senedi.
Byltyrǵy jyly memlekettik baǵdarlama sheńberinde 4 myńnan astam balaǵa kómek kórsetý úshin 36 mıllıon teńge qarajat jumsalǵan.
Elimizde turmysy tómen jáne kópbalaly otbasylarynyń balalaryna demeýshilik kómek kórsetýge baǵyttalǵan is-sharalarǵa «Ulttyń bolashaǵy» qoǵamdyq qory bastaǵan is-sharalar da jaǵasýda.
Pavlodar