Parlament Senatynyń depýtattary Manap Kóbenov pen Nurjan Nursıpatov Pavlodar oblysyndaǵy jumys sapary barysynda Qaraoba aýyldyq okrýgindegi Áýelbek aýylynda salynyp jatqan sý qubyrynyń qurylysymen tanysyp, kásiporyn basshysymen óndiris máselelerin talqylady. Bul týraly Senattyń baspasóz qyzmeti habarlady.
Senatorlar Aqtoǵaı aýyldyq okrýginde ornalasqan sýarmaly ýchaskelerde, egistik alqaptarynda jáne óndiris nysandarynda boldy. О́simdik sharýashylyǵy ónimderin óndirý kólemin arttyrý maqsatynda saqtaý qoımalaryn salýdy jalǵastyrý jáne damýdyń basqa da ózekti máseleleri talqylandy.
Depýtattar Aqtoǵaı aýyldyq okrýginiń Harkovka, Prırechenskoe selolarynyń aýmaǵynda bolyp, sharýa qojalyqtarynyń basshylarymen kezdesti jáne egistiktiń jaı-kúıin qarap, sharýashylyqtardy damytýdyń aldaǵy josparlary týraly áńgimelesti.
Senatorlar Manap Kóbenov pen Nurjan Nursıpatov Aqtoǵaı aýdanyndaǵy jumys saparyn qorytyndylaı kelip aýyl sharýashylyǵy salasyndaǵy oń kórinisterge toqtaldy. Sondaı-aq agroqurylymdardyń memlekettik baǵdarlamalarǵa qatysýy arta túskenin, óndiris qýattarynyń ulǵaıǵanyn, óńirdiń agrarlyq azyq-túlik qaýipsizdigin qamtamasyz etý máseleleriniń mańyzyn atap ótti.