«Qys arbańdy, jaz shanańdy saıla» degen halyq danalyǵyn bázbir turǵyndar men páter ıeleri kooperatıvteri jete uqpaı júrgen sekildi.
Jaǵasy jaılaýda júrgender shilińgir shildeniń aıaqtalyp qalǵanyna qaramastan qylyshyn súıretip qaharly qys kelmeıtindeı asyǵar emes. Ákimdik apta saıyn jınalys ótkizip, jylytý qubyrlaryn jýyp-shaıý, pasporttaryn ázirleý jóninde qansha habarlama jasaǵanyna qaramastan osy kúni barlyq kópqabatty úılerdiń bir prosenti ǵana daıarlyq qujattaryn alǵan.
«5-shi lınııa 4» páter ıeleri kooperatıvi 430 páterlik kópqabatty úılerdi tap-tuınaqtaı etip qoıǵan. Onyń tóraıymy Valentına Navıjennaıa daıyndyq sharalaryn erte kóktemde bastapty. Úılerdiń shatyrlary, dálizder jóndelip, jertóledegi sý qubyrlar almastyrylypty. Alaıda úlgi alarlyq bul tájirıbeni qostaýshylar qatary kóp emes.
Ákimdiktegilerdiń aıtýynsha, 3-shi kirpish qysqa kóshesindegi 14-shi úı jylytý maýsymyna múldem ázirlenbeıtin kórinedi. Bar-joǵy 17 páterden mindetti tólemderdi jınaýdyń ózi úlken mashaqat eken. Úı tirkeýge alynbaǵan. Basqarý formasy qurylmaǵan. Jertóledegi qubyrlar jańalanbaǵan.
«Kóbinese ekiqabatty úı turǵyndary jylytý maýsymyna múldem daıyndalmaıdy dese de bolady. Páter ıeleri kooperatıvi joq degen syltaýlary taýsylmaıdy. Budan bylaı mundaı jaýapsyz úıler turǵyndarynan shaǵym qabyldanbaıdy», deıdi qalalyq turǵyn úı qatynastary bólimi basshysynyń mindetin atqarýshy Madııar Jangýdınov.
Jylytý maýsymyna daıyndalmaǵan úılerdi ortalyq jylý jelilerinen aǵytyp tastaý sııaqty qatań sharalar da qoldanylatyn kórinedi. Turǵyndar bolsa óz betterimen jylytý júıesine beı-bereket plastıkalyq qubyrlar ornatady. Jylý radıatorlarynyń sanyn ózgertedi. Jylytý júıesin jýyp-shaımaıdy. Saldarynan páterlerine jylý qajetti mólsherde jetpeı jatady.
Oblys ortalyǵynda 1086 kópqabatty úı bar. Olardyń 260-y ǵana jylý qubyrlaryn jýyp-shaıǵan. Al daıarlyq qujatyna 16 baspana ǵana ıe bolǵan.
Soltústik Qazaqstan oblysy