Memlekettik qyzmetshilerdiń ádep normalaryn saqtaý baǵytynda birqatar is-sharalar júrgizilýde. Bul týraly jýrnalıstermen ótken brıfıngte Qazaqstan Respýblıkasynyń Memlekettik qyzmet isteri agenttiginiń Qyzylorda oblysy boıynsha departamenti basshysynyń orynbasary Berikbol Baıhojaev baıandady.
«2019 jyldyń 6 aıynda Departamentpen Ádep jónindegi keńes músheleri men Ádep jónindegi ýákilderdiń qatysýymen oblystyq, aýdandyq jáne aýyldyq ákimdikterdiń qyzmetshilerimen 332 kezdesýler, semınar-keńester, dóńgelek ústelder ótkizdi. Sharalar barysynda memlekettik qyzmetshilerdiń ádebi men minez-qulyq normalary keńinen túsindirilip, Agenttikpen ázirlengen Ádep kodeksiniń qoıyn kitapshasy ıaǵnı Pocketbook taratyldy. Onda memlekettik qyzmetshiniń qyzmettik qarym-qatynasta jumystan tys ýaqytta qandaı minez-qulyq tanytý qajettigi, áleýmettik jelini paıdalaný kerektigi týraly máseleler qamtylǵan», dedi Berikbol Uzaquly.
Brıfıngte Berikbol Baıhojaev qolǵa alynǵan túrli sharalardyń memlekettik qyzmetshiler tarapynan tártiptik teris qylyqtardy jasaý faktileriniń azaıýyna septigin tıgizetinin jetkizdi. О́tken jylmen salystyrǵanda memlekettik qyzmetshilerdiń zań buzýshylyq faktileri 38 paıyzǵa tómendegen.
Qyzylorda oblysy