Qaraǵandy oblysynda eki apta ótse de «Birge – Taza Qazaqstan!» aksııasynyń ekpini basyla qoıǵan joq. Al keshe ótken ekologııalyq senbilikke oblystyń barlyq qalalary men aýdandary boıynsha 33 myń adam at salysty.
Quramynda kásipkerler, eriktiler, ekologııalyq belsendiler jáne qala turǵyndary bar qatysýshylar otrıady Keńgir, Saran, Qylysh sý qoımalarynyń, Balqash, Nura, Esil, Jaman Sarysý tárizdi kólder men ózenderdiń boıyn, sondaı-aq, qalalar men kentterdegi saıabaqtardy qoqystan tazartty.
Senbi kúni ótken «Birge – Taza Qazaqstan!» aksııasyn oblys ortalyǵynda 3 myńnan astam turǵyn qoldady. Aksııa qatysýshylary qalanyń shetkeri kóshelerindegi joldardyń boıyn, ortalyq saıabaqtyń mańyn retke keltirip, Kishi jáne Úlken Buqpa ózenderiniń arnasyn qoqystan tazartty. Bul kúni qaldyq tógiletin polıgonǵa 3 myń tonnaǵa jýyq qoqys shyǵaryldy.
Qaraǵandy oblysy