Jańa biregeı joba qazir pılottyq rejımde oblystyń memlekettik organdarynda engizilýde. Bul týraly Memlekettik qyzmet isteri jónindegi departament basshysynyń orynbasary Erlan Salyqbaev málimdedi.
Jobanyń biregeıligi jas memlekettik qyzmetkerlerge tálimgerlikti tek qana bekitilgen basshy ǵana emes, onlaın baılanys arqyly qyzmetshiniń qyzmet salasyna baılanysty oblystyq nemese aýdandyq deńgeıdegi kez kelgen basshy júrgizedi.
«О́tken jyly tálimgerlik úderisinen 422 memlekettik qyzmetshi, aǵymdaǵy jyly 181 adam ótti. Bul kezeńdegi jumys sátti júrgizilýde», deıdi E. Salyqbaev.
Jobanyń maqsaty jas mamandardyń ýájdemesin arttyrý, kásibı daǵdylardy jetik qalyptastyrý, biliktilikti daıyndaýǵa kómek kórsetý. Osy jobany engizý mamandarynyń aıtýynsha, aýyl men oblys ortalyǵy arasyndaǵy baılanysty nyǵaıtýǵa, jas memlekettik qyzmetkerlerdiń kásibı daǵdylaryn arttyrýǵa, sondaı-aq belgili bir sala máselelerin biryńǵaı sheshýge múmkindik beredi.
Pılottyq joba aıasynda Departament tálimgerler pýlyn qurdy, oǵan memlekettik qyzmet ardagerleri, memlekettik organdardyń basshylary kirdi. Birinshi bolyp Áýlıekól, Denısov, Qarabalyq, Fedorov jáne Qostanaı aýdandarynyń ákimdikteri pılottyq jobany synaıdy. Jobany engizý memlekettik qyzmet isteri jónindegi departamentti úılestirý kezinde júrgiziledi.
Oń tájirıbe bolǵan jaǵdaıda, bul jumys basqa óńirler men memlekettik organdarda da jalǵasatyn jáne translıasııalanatyn bolady.
Qostanaı