Prezıdent saraıynda Qazaqstan Respýblıkasynyń Vetnam Sosıalıstik Respýblıkasyndaǵy Elshisi Erlan Baıjanov Vetnam Sosıalıstik Respýblıkasynyń Prezıdenti, Kommýnıstik partııa Ortalyq Komıtetiniń Bas hatshysy Ngýen Fý Chongqa senim gramotalaryn tapsyrdy. Bul týraly Syrtqy ister mınıstrliginiń baspasóz qyzmeti habarlady.
Vetnam basshysyna Qazaqstan Prezıdenti Qasym-Jomart Toqaevtyń atynan qoshemet sálemin jetkizip, elimizdiń dıplomaty Qazaqstannyń eki el arasyndaǵy ózara tıimdi yntymaqtastyqty odan ári keńeıtýge jáne nyǵaıtýǵa múddeliligin rastady.
Elshimen kezdesý barysynda Vetnam Prezıdenti Ngýen Fý Chong qazaqstandyq dıplomatqa shyn júrekten quttyqtaý bildirip, onyń Vetnamdaǵy jańa mıssııasyna tabys tiledi. Vetnam Prezıdenti sondaı-aq eldiń syrtqy saıası basymdyqtary týraly qysqasha aıtyp, eldiń syrtqy álemmen dostyq qarym-qatynastardy damytýǵa berik beıildiligin atap ótti.
«Vetnam men siz Elshisi bolyp tabylatyn memleket arasyndaǵy qarym-qatynastar óte jaqsy damyp keledi. Men bul yntymaqtastyq odan ári nyǵaıa beretinine senemin», dedi Ngýen Fý Chong.