Qytaıdyń shyǵys jaǵalaýlaryna kelip soǵylǵan «Lekıma» taıfýnynan qurban bolǵandar sany 28 adamǵa jetti. Bul týraly «QazAqparat» tilshisi Xinhua agenttigine silteme jasap habarlady.
Jergilikti bılik jeksenbide 20 adamnyń habar-osharsyz ketkenin de málimdedi. Alapat daýyl saldarynan 1,08 mıllıon adam qaýipsiz jerge kóshirildi, Chjeszıan provınsııasynda 5 mıllıon adam zardap shekken. «Lekıma» Qytaıdyń shyǵys jaǵalaýyna senbi kúni tańǵy 1:45-te jetken. Taıfýn ózimen birge nóser alyp keldi. Iýszıa ýezinde tolassyz jaýǵan nóserden sý tasqyny boldy.
Sınoptıkter búgin alapat daýyl Shandýn provınsııasyna jetedi dep boljap otyr. Aıta keteıik, «Lekıma» bıyl Qytaıǵa tóngen toǵyzynshy taıfýn boldy. «Lekıma» taıfýny saldarynan Qytaı shyǵysynan mıllıondaǵan adam evakýasııalandy.