Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıeti Aqmola oblysy Arshaly aýdanynyń Mıhaılov aýyldyq okrýginiń Olgınka aýylynda kúıdirgi aýrýynyń tirkelýine baılanysty epıdemıologııalyq jaǵdaı týraly jáne qabyldanyp jatqan sharalar týraly habarlady. Bul týraly mınıstrliktiń baspasóz qyzmeti málimdedi.
DSM Taýarlar men kórsetiletin qyzmetterdiń sapasy men qaýipsizdigin baqylaý komıetiniń tóraǵasy Lıýdmıla Bıýrabekovanyń aıtýynsha «Kúıdirgi aýrýynyń tirkelýi boıynsha jaǵdaıdy Komıtetke turaqty baqylaýǵa alyp otyr».
О́ńirde Aqmola oblysy ákiminiń orynbasary Ǵalymjan Ábdihalyqovtyń tóraǵalyq etýimen densaýlyq saqtaý, veterınarııa salasyndaǵy barlyq múddeli memlekettik organdardyń, ishki ister organdarynyń jáne tótenshe jaǵdaılar jónindegi departamentterdiń ókilderiniń qatysýymen kúıdirgi aýrýy jónindegi aýmaqtyq shtab jumys isteýde. Oshaqta baılanysta bolǵan adamdardy anyqtaýǵa jáne olardy vaksınasııalaýǵa baǵyttalǵan epıdemııaǵa qarsy jáne epızootııaǵa qarsy is-sharalar uıymdastyryldy, dep atap aıtty Komıtet basshysy.
Budan basqa, Arshaly aýdanynyń ákimi Epızootııalyq jáne epıdemıologııalyq oshaqtardy shoǵyrlandyrý jáne joıý jónindegi is-sharalar josparyn bekitti.
Búgingi kúni kúıdirgi aýrýy boıynsha bes kúdikti jaǵdaı tirkeldi, onyń ishinde tórteýi zerthanalyq rastaldy. Jekemenshik aýlada veterınarııalyq kýálandyrýsyz iri qara maldy (sıyrdy) mújbúrli soıý kúıdirgi aýrýyn juqtyrýǵa sebep bolǵan.
Olgınka aýylyna aýlaishilik óńdeý júrgizý úshin qosymsha 3 medısına qyzmetkeri jiberildi. Medısınalyq uıym dári-dármektermen tolyq kólemde qamtamasyz etildi.
2019 jylǵy 12-15 tamyz aralyǵy kezeńinde baılanysta bolǵan barlyq adam Arshaly aýdanynyń juqpaly aýrýlar bólimshesine emdeýge jatqyzylǵanyn atap aıtý qajet. Epıdemıologııalyq tergep-zertteýdiń nátıjesinde 2019 jylǵy 2-6 tamyz aralyǵynda jekemenshik aýlada veterınarııalyq kýálandyrýsyz sıyrdy májbúrli soıý júrgizilgeni anyqtaldy. Sıyrdyń ıesiniń aıtýynsha sıyrdy soıýǵa 5 adam qatysqan.
Qazirgi ýaqytta Ulttyq saraptama ortalyǵynyń jáne Masǵut Aıqymbaev atyndaǵy Qazaq karantındik jáne zoonozdyq ınfeksııalar ǵylymı ortalyǵynyń asa qaýipti ınfeksııalar zerthanasy naýqastardan serologııalyq zertteý úshin materıal alǵan.
Sondaı-aq zerthanalyq qyzmetterdiń mamandary aýrýdyń birinshi jaǵdaıy tirkelgen sátten bastap oshaqtardan aýrý maldyń materıaldaryn (iri qara maldyń eti, júni, shóp, sút, tezek, jem, arpa, qurama jem), mal soıǵan orynnyń topraǵynyń, sýynyń jáne tezeginiń synamasyn irikteýge aldy.
Zertteýlerdiń nátıjeleri boıynsha sáıkes kelmegen synamalar anyqtalǵan joq, 3 bıosynama jáne 5 topyraq synamasy qosymsha irikteýge alyndy, olar bakterıologııalyq turǵydan zerttelýde.
Sonymen qatar veterınarııalyq ınspeksııa sanıtarııalyq qyzmetpen, polısııamen jáne medısına qyzmetkerlerimen birlesip, 156 úıdiń aýlasynyń ishine (ishinara qaıtalaý arqyly), 236 ártúrli obekti men uıymǵa aýlaishilik tekserý júrgizýdi, turǵyndarǵa 392-den astam jadnama taratty.
Aýlaishilik tekserý barysynda baılanysta bolǵan adamdar anyqtalyp, olarǵa medısınalyq baqylaý ornatyldy, kúnine eki ret termometrııa, qarap-tekserý júrgiziledi.
Úı oshaqtaryna qorytyndy dezınfeksııa júrgizildi, tósek-oryn jabdyqtaryn kameralyq dezınfeksııalaý júrgizildi. Júrgizilgen dezınfeksııalaýdy baqylaý úshin 70 shaıyndy alyndy, onyń ishinde 50 shaıyndy teris, 20 shaıyndymen jumys júrgizilýde.
Aǵymdaǵy jylǵy 16 tamyzda Qazaqstan Respýblıkasy Aýyl sharýashylyǵy mınıstrligi Olgınka aýylynyń turǵyndaryna tıesili janýarlarda kúıdirgi aýrýynyń dıagnozy zerthanalyq rastalýyna baılanysty Aqmola oblysynyń Arshaly aýdanynyń Mıhaılov aýyldyq okrýgynyń Olgınka aýylynyń aýmaǵyna karantın engizgenin atap aıtamyz.
Aqmola oblysynyń Arshaly aýdanynyń Mıhaılov aýyldyq okrýgynyń Olgınka eldi mekeniniń aýmaǵyndaǵy adamdardyń, aýyl sharýashylyǵy maldarynyń jáne kólik quraldarynyń qozǵalysyna (kelýi jáne ketýi) shekteý ornatyldy.
О́ńirdegi jaǵdaıdy Komıtet baqylaýǵa alyp otyr, epıdemııaǵa qarsy is-sharalar jalǵasýda.
Sonymen qatar Komıtettiń basshysy azamattarǵa qaýipsizdik pen gıgıenanyń qarapaıym qaǵıdalaryn saqtaýǵa usynym beredi. Sondaı-aq dene qyzýy kóterilip, ózin nashar seziný jaǵdaılar kezinde turǵylyqty jeri boıynsha medısınalyq mekemege júginýge usynym beremiz.