Memleket basshysy Qasym-Jomart Toqaev Qyrǵyz Respýblıkasynyń Prezıdenti Sooronbaı Jeenbekovti eldiń Táýelsizdigi kúnimen quttyqtady. Bul týraly Aqorda habarlady.
Qazaqstan Prezıdenti quttyqtaý jedelhatynda Qyrǵyzstannyń óz egemendigi jyldarynda aýqymdy jańǵyrý jolynan ótip, memleket qurý isinde zor jetistikterge jetkenin atap ótti.
Sondaı-aq Qasym-Jomart Toqaev Nur-Sultan men Bishkek arasynda qalyptasqan kópǵasyrlyq dostyq, kórshilestik jáne ózara senim sıpatyndaǵy is-qımyldardy Qazaqstan tarapy joǵary baǵalaıtynyna erekshe mán berdi.
«Bizdiń elderimizdiń arasynda ornaǵan ashyq jáne turaqty saıası dıalog aldaǵy ýaqytta da qazaq-qyrǵyz qatynastarynyń strategııalyq seriktestik jáne ózara qoldaý rýhynda jan-jaqty nyǵaıa berýine yqpal etedi dep senemin», - delingen jedelhatta.