Tennısten qyzdar arasynda Qazaqstannyń birinshi raketkasy Iýlııa Pýtınseva AQSh-tyń Nıý-Iork qalasynda ótip jatqan US Open (AQSh ashyq birinshiligi) týrnıriniń juptyq básekesinde úshinshi kezeńge joldama aldy.
Otandasymyz juptasyp óner kórsetýde 20 jastaǵy reseılik Anna Kalınskaıamen birge synǵa túsýde. Týrnırdiń ekinshi kezeńinde Pýtınseva men Kalınskaıa dýeti (Qytaı) – Alısııa Rosolska (Polsha) jubymen kezdesip, úsh setke sozylǵan básekede 6:2, 5:7, 6:3 nátıjesimen basym tústi. US Open jarysynyń shırek fınalyna shyǵý úshin Pýtınseva men Kalınskaıa týrnırdiń eń myqty juby jáne birinshi raketkasy sanalatyn Tımeıa Babosh (Vengrııa) jáne Krıstına Mladenovıchpen (Fransııa) kúsh synasady.
Eske sala keteıik, US Open týrnırinde qazaqstandyq tennısshilerden Iýlııa Pýtınseva ǵana qaldy. Onyń ózi tek juptyq básekede synǵa túsedi. Qalǵan tennısshilerdiń bári úshinshi kezeńge jetpeı súrindi.