«Astana Marathon-2019» marafonyna 5 myń adam qatysty. Arnaıy marafon úshin elordaǵa 27 eldiń ókili kelgen.
«Barlyq qatysýshylardy Astana Marathon 2019 ashylýymen quttyqtaımyn. Memleket basshysy elimizde buqaralyq sportty damytýǵa shaqyrady. Aýa-raıyna jáne demalys kúnderine qaramastan, sizder berilgen qashyqtyqtardy júgirip ótýge nıet bildirýdesizder. Astana Marathon 2019 Elbasy jarııalaǵan Jastar jylynyń aıasynda ótip jatyr. Biz barlyq sport túrlerin damytýǵa bar kúshimizdi salamyz. Sizderge sáttilik tileımin», - dedi A. Kólginov.
Qazaqstandyq jeńil atlet Olga Rypakova marafonǵa qatysýshylarǵa sáttilik tiledi. Júgirýshilerge 10 jáne 42 km qashyqtyqtary usynyldy. Marafonǵa Serik Sápıev, Mereı Aqshalov, Meıirim Nursultanov jáne t. b. ataqty sportshylar qatysty.
QazAqparat tilshisiniń málimetinshe, 10 shaqyrymda aldyna jan salmaǵan qostanaılyq Tatıana Iаroslava 1-oryndy jeńip aldy. Ol fınıshke 35,9 mınýtta jetti. Uıymdastyrýshylar jeńimpazǵa 30 myń teńgeniń sertıfıkaty men ushaq bıletin tabystady. Ekinshi bolyp 38,6 mınýttyq kɵrsetkishpen Madına Kerimova jetti jáne 25 myń teńgeniń sertıfıkatyna ıe boldy. 39,20 mınýt kɵrsetkishpen Tıisinshe úshinshi orynǵa Marına Motrosova turaqtady. Onyń kórsetkishi 39,20 mınýt. Ol da qola júldemen qatar 20 myń teńgeniń syıaqysymen marapattaldy. Al erler arasynda dál osy qashyqtyqta 31,25 mınýt kórsetkishpen Alekseı Gýsanov jeńimpaz atandy. Kúmis júldeni Danııar Armanǵalı ıemdendi, onyń kórsetkishi 32,32 mınýt. Jáne qola medaldi Aleksandr Sokýrov qanjyǵasyna baılady. Ol máre syzyǵyn 32,5 mınýtta kesip ótti. Erlerge de tıisinshe 30, 25 jáne myń teńgeniń aqshalaı syıaqylary men ushaq bıletteri tabys etildi.