Bul týraly Armanjan Baıtasov Ulttyq keńestiń otyrysynan keıin BAQ ókilderine bergen suhbatynda aıtty.
– Ulttyq qoǵamdyq senim keńesiniń barlyq músheleri bul jıyn qalaı óter eken dep azdap qobaljyǵan edik. Bul jańa organ bolǵandyqtan reglamenti – bir-birimizben qalaı ýaǵdalasatyndyǵymyz óte mańyzdy boldy. О́ıtkeni keńeske 40-tan astam adam qatysty. Shyndyǵyna kelgende, sarapshylardyń deńgeıi óte joǵary. Árqaısysynyń artynda úlken ujym ne bolmasa úlken tájirıbe tur. Sondyqtan barlyǵymen bir ýaǵdalastyqqa kelý óte qıyn. Barlyq qatysýshylar óz toptarynda óte naqty baıandama ázirlegen eken. О́zim qatysatyn ekonomıkalyq máseleler jónindegi topqa qatysty aıtar bolsam, biz eki baıandama jasadyq jáne naqty pikirimizdi bildirdik. Buǵan qosa, sóz sóıleýshilerdiń barynsha ashyq bolǵany unady. Búgingi otyrys barysynda aıtylǵan eskertpelerdi qatysýshylar, eń aldymen Prezıdent Ákimshiligi qaperge alaryna úmit artamyn, dedi A. Baıtasov