Bul týraly sarapshy Ulttyq keńestiń otyrysynan keıin BAQ ókilderine bergen suhbatynda aıtty.
− Ár qoǵamnyń, ár halyqtyń aldyna osyndaı tarıhı kezeńder keledi. Mundaı jıyn kúnde bolmaıdy. Osyndaı tarıhı múmkindik búgin bizge týyp tur. Sebebi baıqasańyz, sózdiń baǵyty basqasha: maqtaý da, madaqtaý da joq. Tek sharýa máseleleri talqylanyp jatyr. Sodan keıin Prezıdenttiń ózi ózgeristerdi qozǵap otyr. Meniń oıymsha, osy múmkindikti qur jibermeýimiz kerek. Qazir elimizde talanttar qaınap jatyr. Ár salada joldary ashylmaı júrgender bar. Solardy iske jumyldyra bilsek, keremet ózgerister bolady. Búgingi usynystar boıynsha nátıje bolady. Biraq menińshe, asyǵýǵa bolmaıdy. Bul bir kúnde nemese bir túnde ózgeretin nárse emes. Qansha jyl boıy jınalǵan problemalardy tez sheshý múmkin emes. Degenmen, satylap, baıyptap, máselelerdiń bárin sheshýge bolady. Keıbir azamattarymyz peıishti bir kúnde ornatpaq. Ol bolmaıdy. Daıyndyq kerek, - dedi S.Quttyqadam.