5 qyrkúıektegi jaǵdaı boıynsha aǵymdaǵy jyldyń basynan bastap 2,9 mlrd teńge kóleminde qaryzdyń negizgi somasyn tólegen 114 849 jeke tulǵa boıynsha 688,3 mln teńge kóleminde ósimpul esepten shyǵaryldy. Bul týraly Memlekettik kirister komıtetiniń baspasóz qyzmeti habarlady.
Jalpy, 1,4 mıllıonǵa jýyq adam raqymshylyqqa iligip, 13,9 mlrd teńge kóleminde qaryzdyń negizgi somasyn tólegen jaǵdaıda, 6,3 mlrd teńge kóleminde ósimpul esepten shyǵarylady.
2019 jylǵy 13-14 tamyzda barlyq aýmaqtyq departamentter ósimpuldardy esepten shyǵarý boıynsha komıssııa qurý týraly buıryq shyǵardy.
Salyq qaryzyn Memlekettik kirister komıtetiniń www.kgd.gov.kz resmı saıtynda «Salyq qaryzynyń bolýy/bolmaýy týraly aqparat» bóliminde tekserýge bolatyndyǵyn eskerińiz. Salyq tóleýshi tek óziniń JSN-n engizý kerek. Osydan keıin ol óziniń salyq qaryzy týraly málimetterge qol jetkizedi.