Fýtzaldan Qazaqstan Sýperkýbogin «Qaırat» pen «Aqtóbe» komandalary sarapqa salady. Bul týraly Olympic.kz habarlady.
Kezdesý 14 qyrkúıek kúni H.Dosmuhamedov atyndaǵy Atyraý memlekettik ýnıversıtetiniń «Jaıyq» sport kesheninde ótedi. Jarys jergilikti ýaqytpen 17:00-de bastalady.
Dál osy kúni Qazaqstan Kýbogynyń 2019-2020 jylǵy jańa maýsymnyń irikteý kezeńiniń jerebe tartý rásimi ótedi. Irikteý kezeńderi 15-18 qyrkúıek kúnderi «Atyraý» jáne «Jaıyq» sport keshenderinde ótedi. Oǵan Qazaqstannyń kásibı fýtzal komandalarymen áýesqoı sport komandalary da qatysady.
«Qaırat» (Almaty), «Aqtóbe» (Aqtóbe), «Aıat» (Rýdnyı), «Jetisý» (Taldyqorǵan), «Oqjetpes» (Kókshetaý) jáne «Kaspıı» (Aqtaý) kásibı fýtzal komandalary Qazaqstan kýbogy úshin alańǵa shyǵady. Al áýesqoı komandalar sany jarys aldynda berilgen ótinim boıynsha belgili bolady.