Jeksenbilik mektepter esik ashty

Jańa oqý jylynyń bastalýymen balalardy Nur-Sul­tan qalasy QHA hatshyly­ǵy­nyń meńgerýshisi Lázzat Qu­sa­ıynova quttyqtady. «El­­or­­­dalyq Qazaqstan halqy Assam­­bleıasynyń 23 etnomá­denı bir­­lestigi janynda 12 jek­sen­bilik mek­­tep jumys isteı­di. Jek­sen­bilik mek­tepter­de sa­baq­tar keshendi jáne jú­ıeli túr­de ót­kiziledi», dedi L. Qu­saı­y­nova.

Armenııa Respýblıkasynyń Qa­zaq­standaǵy Tótenshe jáne ókiletti elshisi Gagık Galachıan da balalardy jańa oqý jylynyń bastalýymen quttyqtady. «Bala­lar úshin eń bastysy – sapaly jáne jaqsy bilim alý. Qazaqstan Úkimetine kórsetilgen kómek úshin alǵysym sheksiz», dedi G.Galachıan. «Van» armıan mádenı ortalyǵynyń tóraǵasy Saak Salýmıan jeksenbilik mektepte atqarylyp jatqan jumystar jóninde áńgimeledi. Onyń aıtýynsha, osy jylda armıan jeksenbilik mektebinde 4 synyp boıynsha 40 oqýshy bilim alady.

«Vozrojdenıe» nemister qo­ǵa­­mynyń ǵımaratynda da nemis jek­sen­bilik mektebi jańa oqý jylynyń ashylýyn ótkizdi. Germanııadan arna­ıy kelgen mádenıet assıstenti An­ton Haýr merekelik is-sharaǵa qa­tysty. Son­daı-aq mektepte «tańǵy sheń­ber», «tanysý» oıyndary ót­kizildi. Keıin balalar úsh top­tyń árqaısysyndaǵy úsh sabaqqa qatysty. Bul nemis tili, eltaný, qolóner sabaqtary bolatyn. In­te­rak­tıvti rejimde oqýshylar aldaǵy oqý jylynan kútetin úmit­teri men tilekteri týraly arnaıy sabaq ótkizdi.

«Lad» RSD Astanalyq fılıaly» qoǵamdyq birlestigi orys jek­senbilik mektebi de 2019-2020 jyl­ǵa arnalǵan jańa oqý jylyna arnalǵan alǵashqy sabaqtaryn ótkiz­di. Bul joly mektepke 15-ten asa jańa oqýshy qabyldanǵan. Alǵashqy sabaqqa jeksenbilik mektep oqýshylary, ustazdary men Nur-Sul­tan qala­syndaǵy Qazaqstan halqy Assam­bleıasy hatshylyǵynyń múshe­leri jınaldy. Elordalyq QHA hatshylyǵynyń bas mamany Gúlnar Taıgokova jańa oqý jylymen qut­tyq­tap, orys jeksenbilik mekte­bi­niń tájirı­besi men dástúrlerin atap ótip, oqýshylarǵa tabys tiledi. «Lad» RSD Astanalyq fılıaly» uıymynyń tóraǵasy Nıkolaı Shepelıýk pen mektep ustazdary da merekelik tilekterin arnady.

Qazaqstandaǵy etnostardyń jek­sen­bilik mektepteri til, mádenıet jáne salt-dástúrdi odan ári damytý maqsatynda arnaıy qurylǵan.