Qaramende bıdiń qoramsaǵy tabyldy

Jádiger bıdiń shóberesi Rahymber­liniń qyzy Dámetken ananyń qolynda saqtalyp kelipti. Keıin qoramsaq áý­lettiń Balqashtaǵy jıenderiniń qolyna kóshse kerek.

Jádiger tarıhy týraly 73 jastaǵy ardager us­taz, Qaramende babanyń shóbe­resi Rahym­berliniń jıeni Juma­gúl Jańbyrbaıqyzynan surap bilgen edik.

– Qazaqqa batyr men bı ortaq qoı. Men naǵashylarymnyń tárbıesinde óstim. Baba­myzdyń qoramsaǵy úshinshi balasy Byqyǵa berilgen. Byqy balasy Janaqqa tabystapty. Janaq balasy Rahymberlige tapsyrǵan kórinedi. Rahymberliden ul joq. Dárken, Dámet­ken, Úmit esimdi qyzdar týady. Naǵashy ájemiz Zaǵıpa Sáttiqyzy meniń anam Dámetkenge qoramsaqty amanattap ketken eken. Men qoramsaqty bir jyldaı qolymda saqtadym.

Keıin anam sińlimizdiń qolyna kó­ship, qoramsaqty ala ketti. Sol úıde kóz jumdy. Babadan qalǵan tábárikti qazir qyz­dyń balalary saqtap otyrmyz. Bı babamyzdyń «Meniń aqyrym qyzdyń jáne qyzdyń balasynyń qo­lyn­da qalady» dep aıtqan sózi bar. Sondyqtan anam qoram­saq­ty saqtaýǵa aıryqsha kó­ńil bólip keldi, – degen Jumagúl apa­nyń sózinshe, qo­ramsaqty ustap turat­yn kise qoldy bolǵan.

Úsh ǵasyrdan astam ýaqyt saqtalǵan qo­ramsaq sheber qoldan shyqqany kóri­nip tur. Qalyń bylǵarydan tigilgen. Eki qaıys ilgegi bar. Betine oıý-órnek bederlengen.

«Urpaqtary qoramsaqty eldiń nazaryna kóp kórsete bermeıdi. Baba kózi – qundy jádigerdi saqtap, keleshekke amanattaý – bizdiń basty mindetimiz», deıdi ardager ustaz.

Nurdos KÁRIM