Memleket basshysy Qasym-Jomart Toqaev Túrkistandaǵy qonaq úıde bolǵan órtten zardap shekken IIM qyzmetkerleri memlekettik nagradalarǵa laıyq ekenin aıtty. Bul týraly Prezıdent óziniń Twitter-degi paraqshasynda jazdy.
«Túrkistandaǵy qonaq úıde bolǵan órtten zardap shekken IIM qyzmetkerleriniń tez saýyǵyp ketýin tileımin. Olardyń eren eńbekteri memlekettik nagradalarǵa laıyq», dep jazdy Qazaqstan Prezıdenti.
Eske sala keteıik, 10 qyrkúıek kúni Túrkistan qalasynda ornalasqan Royal Grand qonaqúıinde órt shyǵyp, saldarynan 11 adam zardap shekken. 6 órt sóndirý qyzmetkeri medısınalyq kómekke júgingen. 3 polısııa qyzmetkeri jáne 2 qala turǵynyna medısınalyq járdem kórsetilgen. Ortalyq qalalyq aýrýhanaǵa 5 zardap shegýshi jetkizildi. Olardyń tórteýi jatqyzylyp, bir azamat qaıtaryldy. Jaraqat beketine 3 adam tasymaldandy. Oqıǵa ornynda polıseıler men TJQ qyzmetkerleri jumys istep, tilsiz jaýdy aýyzdyqtady.