Joba aıasynda Turǵyn úı qurylys jınaq banki 4 875 ótinim qabyldady. Atalǵan baǵdarlamaǵa Nur-Sultan (829 ótinim), Almaty (640 ótinim) jáne Aqtóbe (555 ótinim) oblystarynyń turǵyndary belsene qatysýda. Bul týraly Turǵyn úı qurylys jınaq bankiniń baspasóz qyzmeti habarlady.
Búginde qabyldanǵan ótinimderdiń 2 200-i boıynsha 23,1 mlrd teńge somasyna nesıe berý jóninde oń sheshim shyqty. Qazirgi sátte osy otbasylar ózderiniń bolashaq páterlerin izdestirý ústinde. Bul úshin olarǵa 3 aı ýaqyt beriledi.
Páterdi jańa salynǵan nemese qoldanystaǵy úıden satyp alýǵa bolady. Sondaı-aq jer úı alý múmkindigi de qarastyrylǵan. Turǵyn úıdi salymshy ózi ákimdikte kezekte turǵan aımaqta ǵana satyp ala alady.
Jalpy, eń kóp baspanaǵa qol jetkizip, qonys toıyn toılaǵandar – Nur-Sultan (73 zaım berildi), Almaty (56 zaım berildi) jáne Jambyl (39 zaım berildi) oblystarynyń turǵyndary.
Osyǵan deıin Qasym-Jomart Toqaev Qazaqstan halqyna Joldaýynda 2020 jyldan bastap jyl saıyn 10 myń otbasy «Baqytty otbasy» baǵdarlamasy arqyly baspanaly bolatynyn málimdegen.