Jańa týrıstik baǵyttar túzildi

«Jibek joly – dıalog joly» halyqaralyq ekspedısııasy 20 tamyzda Almaty qalasynan bas­taý alyp, 1 qyrkúıekte Al­ma­tyda máresine jetken. Osy ara­lyqta ekspedısııaǵa qaty­sý­shylar Qazaqstan, Qyrǵyz Respýblıkasy, О́zbekstan­da kelesi baǵyttar boıynsha jol júrip ótken. Qa­ty­sý­shy­lar­­dyń erekshe saıahaty Al­ma­­ty oblysynyń kórikti jer­le­­ri Úlken Almaty kóli, Me­deý, Shymbulaq, Sharyn shat­qal­­darynan bastalǵan. Odan ári «Tıan-Shannyń kók mar­jan­­dary» atalyp ketken Kól­­­­saı kólderine qaraı jol tart­­­ty. Úshinshi kúni Qyrǵyz Res­­­­pýb­lıkasyna asyp, úsh kún bo­ıy qatysýshylar Ystyqkóldiń ákim­­­shilik ortalyǵy jáne Qa­ra­­­qol qalasyn, Jeti Oǵyz shat­qalyn, Teriskeı Alatoo jo­ta­sy­nyń soltústik baýraıynda orna­lasqan Barskoon shatqalyn aralady.

Ári qaraı qatysýshylar Uly Jibek jolynyń ortalyǵyn­da ornalasqan Azııa men Eýropa arasyndaǵy saýda joldaryn biriktirgen ejelgi Tarazǵa taban tiredi. Munda olar kóptegen tarıhı eskertkishter men Qarahan, Babajı-Hatýn jáne Aısha bı­bi kesenelerin, Aqyrtas jáne ejel­gi Taraz arheologııalyq ke­shenimen tanysty. Odan ári ekspe­dı­sııa músheleri О́zbekstannyń Tash­kent jáne Samarqan sekildi tarıhı qalalaryn aralady.

Jýrnalıster, fototilshiler, týrıstik blogerler men tý­r­o­peratorlardan quralǵan eks­­pedısııa quramy Qazaqstan,Qyrǵyz Respýblıkasy jáne О́z­bekstan baǵytyn 13 kúnde jú­rip ótken. Sapardyń qory­tyndysynda elimizdiń tabıǵı nysandary boıynsha jańa tý­rıstik baǵyttar túzildi. Bul aq­parattar kórshiles Qyrǵyz Respýblıkasy, О́zbekstan jáne otandyq týroperatorlarǵa beri­letin bolady.