JAILY POIYZDAR JOLǴA ShYQTY

Turǵyndardyń jolaýshylar tasymalyna degen talabyn oryn­daýdy maqsat etken “QTJ” UK” aksıonerlik qoǵamynyń bas­shy­lyǵy Naýryz meıramy qarsańynda óte jaıly (1,2,3-klasty) aptasyna eki ret (juma, jeksenbi) qaty­naı­tyn Astana-Pavlodar baǵytyn­daǵy № 802/801 jańa elektr­poıy­zyn jolǵa shyǵardy. Atalmysh poıyz­dyń iske qosylýy Astana men Pavlodarǵa deıingi aralyqtaǵy ýaqytty jartysyna deıin azaıtady. Sol sııaqty qala mańyna qaty­naıtyn № 805/806 Astana-Kók­she­taý jáne № 807/808 Astana-Bý­rabaı kýrorty poıyzyn óte jaıly jańa elektrpoıyzy aýystyrmaq. Jańa quram jumsaq ta yńǵaıly oryndyqtarmen, jınalmaly ústel­der­men jáne qaýipsizdik júıe­le­rimen jabdyqtalǵan. 1 jáne 2-klasty vagondarda teledıdar kórýge múmkindik bar, tamaqtanatyn vagon bólingen. Al mashınıstiń kabınasy avtomattandyrylǵan júıemen  basqarylady. Elektrpoıyzdyń syıymdylyǵy 650 jolaýshy. Sonymen qatar osy kúni Astana stan­sasyna aptasyna eki ret jú­re­tin Astana-Almaty-2 baǵytyndaǵy №36/35 jolaýshylar poıyzy men kúnde qatynaıtyn Aqtóbe-Almaty-2 baǵytyndaǵy № 34/33 jolaý­shy­lar poıyzynyń tórtinshi quramy qosymsha engizildi. Jolǵa shyqqan vagondardyń barlyǵy da óte jaılylyǵymen  erekshelenedi. Vagon­dar úsh tıpke (SV, kýpe, plaskart) bólinedi. Sol sııaqty quramda vagon-meıramhana, júk vagony bar. Astanada ótken sharaǵa “QTJ” AQ prezıdenti A.Mamın, “Jolaý­shylar tasymaly” AQ prezıdenti B.Dárimbetovter qatysyp, jol­serikter men jolaýshylarǵa aqjol tiledi. “Egemen-aqparat”.