Kezdesý barysynda Qazaqstan men Halyqaralyq elektr baılanysy odaǵynyń ınfokommýnıkasııalyq tehnologııa salasyndaǵy ózara is-qımyl máseleleri talqylandy. Bul týraly Aqordanyń baspasóz qyzmeti habarlady.
Prezıdent Qazaqstanda jańa ınnovasııalar men tehnologııalardy damytýǵa jáne engizýge basa mán beriletinin atap ótti. Memleket basshysy óńirde zamanaýı ınfokommýnıkasııalyq ınfraqurylym qurýdyń mańyzdylyǵyn aıtty.
Chjao Hoýlın Qasym-Jomart Toqaevqa Halyqaralyq elektr baılanysy odaǵy qyzmetiniń negizgi baǵyttary týraly málimdedi. Atap aıtqanda, ol Prezıdentke ózi basqaratyn odaqtyń 4G jáne 5G sııaqty telekommýnıkasııalar men qyzmet kórsetý salasy boıynsha ázirlep jatqan halyqaralyq standarttary jóninde aıtty.
Halyqaralyq elektr baılanysy odaǵy Bas hatshysynyń baǵalaýynsha, Qazaqstanda blokcheın, Big Data tehnologııalaryn, jańa sandyq qarjy quraldaryn paıdalanýǵa, sondaı-aq, aýyl sharýashylyǵynda, bilim berý jáne densaýlyq saqtaý salalarynda, memlekettik basqarý isinde keńinen qoldanylatyn aqparattyq-kommýnıkasııalyq tehnologııalardy engizýge jaqsy múmkindikter jasalǵan dep sanaıdy.
Kezdesýge Sıfrlyq damý, qorǵanys jáne aeroǵarysh ónerkásibi mınıstri Asqar Jumaǵalıev, Prezıdenttiń kómekshisi Murat Nurtileýov, Halyqaralyq elektr baılanysy odaǵynyń óńirlik ókili Kırıll Oparın qatysty.