Memleket basshysy kásiporynnyń ónimderimen tanysyp, kópqabatty baspa taqtasyn shyǵaratyn jáne bólshekterdi qurastyratyn sehtardy aralap kórdi. Prezıdentke kompanııanyń qazirgi jumystarynyń esebi berilip, kásiporynnyń tehnologııalyq turǵydan odan ári jańǵyrtylý jospary baıandaldy. Bul týraly Aqordanyń baspasóz qyzmeti habarlady.
Kásiporyn dırektory Amangeldi Arǵynbaevtyń aıtýynsha, elimizde alǵash ret kópqabatty baspa taqtasyn óndirý isiniń jedel iske qosylýy álemdik standartqa sáıkes buıymdar shyǵarýǵa múmkindik beredi. Bul respýblıka ekonomıkasynyń túrli salalarynda qoldanylyp, keleshekte eksportqa shyǵarylatyn bolady.
500-den astam adam jumys isteıtin kásiporyn odandyq mashına jasaý salasynyń kóshbasshysy sanalady. Zaýyt temir jol, munaı-gaz, energetıka salalarynda paıdalaný úshin azamattyq jáne áskerı maqsatqa arnalǵan 100-den astam ónim túrin shyǵarady.