Belgili jýrnalıst, Qazaqstan Respýblıkasynyń eńbek sińirgen qaıratkeri, Qazaqstan Prezıdenti syılyǵynyń laýreaty, «Almaty aqshamy» gazetiniń bas redaktory Qalı Sársenbaı Reseı Jaratylystaný ǵylym akademııasynyń I.A.Býnın atyndaǵy Kúmis medaline ıe boldy.
«Tulǵataný» dep atalatyn aýqymdy uǵymdy jýrnalıstıkanyń tutas bir tarmaǵyna aınaldyryp, óner men mádenıet taqyrybyna úzdiksiz qalam terbep, oıy men tanymyn rýhanı murattyń oryndalýy jolynda jelbiretip kele jatqan Qalı Sársenbaıdyń esimi qazaq oqyrmanyna keńinen tanymal. Jýyrda ǵana «KAZGOR» jobalaý akademııasy qalamgerdi ujym ortasyna arnaıy shaqyryp, qyzyqty kezdesý ótkizip, 60 jyldyq mereıtoıymen quttyqtap, akademık ataǵyn bergen edi. Endi, mine, sol qýanysh sońynan taǵy da aqjoltaı habar súıinshilenip otyr. Reseı Jaratylystaný ǵylym akademııasy Prezıdıýmynyń 2019 jylǵy qyrkúıektegi №292 sheshimimen Qalı Sársenbaı I.A.Býnın atyndaǵy Kúmis medalmen marapattaldy. Ǵylym, bilim jáne mádenıetti damytýǵa qyzmet etken ǵalymdar men izgi júrekti qaıratkerlerdiń ǵylymı shyǵarmashylyq qaýymdastyǵy retinde tanylǵan Reseı Jaratylystaný ǵylym akademııasy qazaqtyń belgili sóz zergeriniń kóp qyrly jemisti eńbegin laıyqty baǵalaǵany – ult rýhanııatyna kórsetilgen qurmet.
ALMATY