«Rashtrapatı Bhavan» Prezıdenttik saraıynda Qazaqstan Respýblıkasynyń Úndistan Respýblıkasyndaǵy Elshisi Erlan Álimbaev Úndistan Prezıdenti Ram Nath Kovındke senim gramotalaryn tabystady. Bul týraly SIM baspasóz qyzmeti habarlady.
Is-sharadan keıin ótken kezdesý barysynda Prezıdent R.Kovınd Qazaqstan ókiliniń rásimdi hındı tilinde ótkizgeni úshin rızashylyǵyn bildirdi jáne dıplomatııalyq mıssııasynyń bastalýymen quttyqtaı otyryp, eki el arasynda qalyptasqan qarym-qatynastardyń senimdi sıpatyn atap ótti.
Elshi E.Álimbaev Úndistan Prezıdentin QR Prezıdenti Qasym-Jomart Toqaevtyń alǵashqy Joldaýynda aıtylǵan el ekonomıkasyn jańǵyrtý jáne áleýmettik salany jaqsartý boıynsha Qazaqstanda júzege asyrylyp jatqan sharalar týraly habardar etti.
Sonymen qatar, áńgimelesýshiler birqatar ózekti máselelerdi, onyń ishinde saýda-ekonomıkalyq jáne ınvestısııalyq yntymaqtastyq, sondaı-aq mádenı-gýmanıtarlyq yqpaldastyq týraly pikr almasty.